චීන කොමියුනිස්ට් පක්ෂය ස්ථාපිත කිරීමේ 105 වන සංවත්සර සැමරුම් උත්සවය අද (01) බෙයිජිංහි මහජන මහා ශාලාවේදී උත්කර්ෂවත් අයුරින් පැවැත්විණි.
එම උත්සවයෙහි චීන ජනාධිපති ෂී ජින්පිං ප්රධානත්වය දැරූ අතර, පක්ෂයේ ඉහළම ගෞරව සම්මානය වන “ජූලි 1 පදක්කම” සම්මානලාභීන් වෙත පිරිනැමීම ද සිදු කළේය.
චීන කොමියුනිස්ට් පක්ෂය වෙනුවෙන් විශාල දායකත්වයක් ලබාදුන් කැපී පෙනෙන සාමාජිකයන්, පක්ෂ කටයුතුවලදී විශිෂ්ට සේවයක් ඉටු කළ නිලධාරීන් සහ බිම් මට්ටමේ පක්ෂ සංවිධාන මෙහිදී ඇගයීමට ලක් කෙරිණි.
උත්සවය අමතමින් ජනාධිපති ෂී ජින්පිං මහතා සඳහන් කළේ, වසර 105 ක අඛණ්ඩ අරගලය චීන ජනතාවගේ අනාගතය සහ ඉරණම මූලික වශයෙන් වෙනස් කර ඇති බවයි.
එමෙන්ම, චීන ජාතියේ මහා පුනර්ජීවනය සාක්ෂාත් කර ගැනීම සඳහා නිවැරදි මාවත විවර කිරීමට මෙම අරගලය සමත් වූ බව ද ඔහු පැවසීය.
මාක්ස්වාදයේ ශක්තිමත් ජීව ගුණය මෙම ගමන්මඟ තුළින් මනාව පිළිබිඹු වන බවත්, චීන කොමියුනිස්ට් පක්ෂයේ ඓතිහාසික ගමන්මඟ ලෝක ඉතිහාසයටද ප්රබල බලපෑමක් එල්ල කර ඇති බවත් ජනාධිපතිවරයා වැඩිදුරටත් සඳහන් කළේ ය.
