දැනට පවතින ඩෙංගු වසංගත තත්ත්වය හේතුවෙන් කොළඹ රිජ්වේ ආර්යා ළමා රෝහලට ප්රතිකාර සඳහා පැමිණෙන ළමා රෝගීන්ගේ සංඛ්යාව සැලකිය යුතු ලෙස ඉහළ ගොස් ඇති බව රෝහල් අධ්යක්ෂ වෛද්ය ප්රදීප් රත්නසේකර මහතා පවසයි.
මෙම තත්ත්වය හමුවේ දරුවන්ට කඩිනම් සහ කාර්යක්ෂම වෛද්ය ප්රතිකාර ලබාදීම සඳහා දෙමාපියන්ගේ සහ භාරකරුවන්ගේ සහයෝගය අත්යවශ්ය බවද රෝහල් අධ්යක්ෂවරයා අවධාරණය කර ඇත.
ඒ අනුව, දරුවන් ප්රතිකාර හෝ සායනික කටයුතු සඳහා රෝහලට රැගෙන එන සෑම අවස්ථාවකදීම පහත සඳහන් ලියකියවිලි අනිවාර්යයෙන් රැගෙන එන ලෙස රෝහල් පාලනාධිකාරිය දෙමාපියන්ගෙන් ඉල්ලා සිටී.
- පුද්ගල සෞඛ්ය අංකය (PHN) හෝ බාර්කෝඩ් කාඩ්පත
- ළමා සෞඛ්ය සංවර්ධන සටහන් පොත හෝ බර සටහන් පොත
- ඖෂධ හෝ ආහාර අසාත්මිකතා පිළිබඳ වාර්තා
- සායනික සටහන් පොත්
- රෝහලෙන් පිටවීමේ කාඩ්පත් හෝ රෝග විනිශ්චය කාඩ්පත්
වැඩිදුර තොරතුරු සඳහා රිජ්වේ ආර්යා ළමා රෝහලේ අධ්යක්ෂ කාර්යාලය 011 2693711 (දිගුව 307) ඔස්සේ සම්බන්ධ කරගත හැකිය.
මේ අතර ඉදිරි සති තුනක කාලය සඳහාද ඩෙංගු අවදානම් මට්ටමේ පවතින බව අමාත්ය වෛද්ය නලින්ද ජයතිස්ස මහතා පවසයි.
අමාත්යවරයා පැවසුවේ මේ වන විට ඩෙංගු රෝගය ව්යාප්ත වීම යම් පාලනයක් පවතින නමුත් අගෝස්තු මැද දක්වා වූ කාලය තවදුරටත් අවදානම් මට්ටමේ පවතින බවය.
දිස්ත්රික්ක 3ක හැරුණු කොට අනෙකුත් දිස්ත්රික්කවල ඩෙංගු රෝගීන් වාර්තා වීම යම් පාලනයක් පෙන්නුම් කරන බව පැවසූ අමාත්යවරයා මේ පිළිබඳව අවධානය යොමු කරමින් ප්රදේශ සහ පරිශ්ර පිරිසිදු කර ගැනීමේ ක්රියාවලිය අඛණ්ඩව සිදුකරගත යුතු බවද පැවසීය.
ඩෙංගු මැඩපැවැත්වීම සඳහා සියලුම රාජ්ය ආයතන වෙත අඛණ්ඩව මෙහෙයුම් පවත්වාගෙන යාම සඳහා උපදෙස් ලබා දී ඇති බව පැවසූ අමාත්යවරයා මේ අනුව තවදුරටත් ඉදිරි සති තුනක කාලය සඳහා මෙම අවධානය පවතින බවද පෙන්වා දුන්නේය.
“ඩෙංගු කියන්නේ එක දවසක් ඔක්කෝම පාරට බැහැලා විසඳන්න පුළුවන් ප්රශ්නයක් නෙමෙයි. මදුරු කීටයින් බෝවන තැන් තිබෙනවා මේ තිබෙන වැසි තත්ත්වය මත තැන් තැන්වල ඒ මදුරුවන් වර්ධනය වෙනවා. සාමාන්යයෙන් අපේ ගෙවල්වල අවධානයට ලක් නොවන තැන්වල පවා මේ මදුරු කීටයන් බෝවන අවස්ථා තිබෙනවා. ඒ නිසා අඛණ්ඩව මේ කටයුතු සිදුකළ යුතුයි. හැම රාජ්ය ආයතනයකටම අපි කියලා තියෙනවා අඛණ්ඩව මේ කටයුතු සිදුකරගෙන යන්න කියලා. රෝගීන් වාර්තාවීම වැඩිවෙනවා වගේම මට කියන්න පුළුවන් මේ ජනතාවගේ මැදිහත් වීම මත යම් කිසි ආකාරයකට දිස්ත්රික්ක තුනක ඇරුණාට පස්සේ මේ කටයුතු ට්රෙන්ට්ඩ් එක අනිත් පැත්ත හැරෙමින් පවතිනවා විශේෂයෙන් කොළඹ දිස්ත්රික්කයේ පවා. ඒ නිසා අපි ඒක ගැන වැඩිපුරම කතා කරන්න යන්නේ නෑ අවදානම තියාගන්න. තව සති තුනක් යනකන් අවදානම තිබෙනවා. ඒ දක්වා එකදිගටම මේ පිරිසිදු කිරීමේ කටයුතු කරන්න, අපේ MOH, PHI නිලධාරීන් කැඳවා ගන්න ධූමායන කටයුතු සිදුකරගන්න. තමාට තිබෙන ඉතාම කුඩා තැනක පවා මේක ඇතිවෙලා තිබෙන්නට පුළුවන්. ඒවාට තමන්ගේ අවධානය යොමු කරන්න ඒ කටයුතු අපි අඛණ්ඩව කරගෙන යමු.”
