දකුණු ආසියාවේ වේගවත්ම කෙටිදුර ධාවන ශූරයා වන ශ්රී ලංකාවේ යුපුන් අබේකෝන් මලල ක්රීඩාවෙන් සමුගැනීමට තීරණය කර තිබේ.
තමන් මුහුණදුන් අත්දැකීම් සහ ක්රීඩා දිවිය පුරා ලැබුණු ආදරයට කෘතඥතාව පළ කරමින් ඔහු නිල නිවේදනයක් නිකුත් කරමින් මේ බව සටහන් කර ඇත.
“දකුණු ආසියාවේ වේගවත්ම ධාවකයා කියන්නේ අපේ ජයග්රහණයක්” තමන්ගේ ක්රීඩා දිවියේ අමතක නොවන හැරවුම් ලක්ෂ්යය සිහිපත් කරමින් යුපුන් සඳහන් කළේ, තත්පර 10ට අඩු කාලයකින් (Sub-10) මීටර් 100 ඉසව්ව නිමකළ දිනයෙන් පසුව මෙම ජයග්රහණය තමන්ගේ පුද්ගලික එකකට වඩා මුළු රටේම ජයග්රහණයක් බව තමාට වැටහුණු බවයි. “
රට දැයට ණය නැතිව, ලෝකයට ණය වී ක්රීඩාවෙන් සමුගනිමි! … කොල්ලෙක් තමන්ගේ ගෙදරට/පවුලට අයිති වෙලා ඉඳලා මුළු රටකටම අයිති වෙනවා කියන්නේ මහා පුදුමාකාර විරල අත්දැකීමක්.”
තමන් වෙනුවෙන් නිදිමරාගෙන තරග නැරඹූ, ප්රාර්ථනා කළ සහ ශක්තියක් වූ සියලුම ශ්රී ලාංකික රසිකයන්ට තමන්ගේ කෘතඥතාව සහ ආදරය පළ කරන බවද ඔහු සඳහන් කරයි.
ස්තූතිය සහ කෘතඥතාව සිය සමුගැනීමේ ප්රකාශයෙන් යුපුන් අබේකෝන් තමන්ගේ ක්රීඩා ගමනට අතදුන් සියලු දෙනාම ගෞරවයෙන් සිහිපත් කළේය:
තමන්ව ලෝකයට හඳුන්වා දුන් දෙමාපියන්ට සහ මුල්ම ක්රීඩා පදනම දැමූ පාසල් දෙකට, තමන්ට තාක්ෂණය සහ පුහුණුව ලබාදුන් සියලුම පුහුණුකරුවන්ට, ක්රීඩා දිවියේ ආරම්භක අදියරේදී ශ්රී ලංකා යුද හමුදාවේ විදුලි හා යාන්ත්රික ඉන්ජිනේරු බළකාය ලබා දුන් දැවැන්ත සහයෝගයට, ශ්රී ලංකා ක්රිකට් ආයතනයේ හිටපු සභාපති ශම්මි සිල්වා මහතා ඇතුළු නිලධාරීන්ටත් විශේෂ ස්තූතිය පළ කර ඇත.
සමුගැනීමට හේතුව ඉදිරියේදී හෙළි කිරීමට සූදානම් තවදුරටත් ක්රීඩා කිරීමට කාලය තිබියදී මෙසේ හදිසියේ සමුගැනීමේ තීරණය ගැනීම පහසු නොවූ බවත්, නමුත් අවසානයේ එම තීරණය ගැනීමට සිදු වූ පසුබිම සහ ශ්රී ලංකාවේ වර්තමාන ක්රීඩා පද්ධතිය සම්බන්ධයෙන් ඉදිරි පරිච්ඡේදයකදී කරුණු හෙළිදරව් කරන බවත් ඔහු වැඩිදුරටත් පවසා තිබේ.
