මරණ දඬුවම නියම කෙරුණු හිටපු පොලිස්පති පූජිත ජයසුන්දර වෙනුවෙන් ශ්රේෂ්ඨාධිකරණය හමුවේ අභියාචනයක් ඉදිරිපත් කරන බව ඔහු වෙනුවෙන් පෙනී සිටි නීතිඥ රොෂාන් දෙහිවල මහතා පවසයි.
ඔහු මේ බව ප්රකාශ කළේ, වැලිකඩ බන්ධනාගාරයේ රඳවා සිටින හිටපු පොලිස්පතිවරයා හමුවීමට අද (01) ගිය අවස්ථාවේදීය.
ඒ අනුව ඉදිරි සතියේදී පුජිත ජයසුන්දර වෙනුවෙන් අභියාචනයක් ඉදිරිපත් කර බව නීතිඥවරයා කියාසිටියේය.
මරණ දඬුවම නියම කෙරුණු දිනයේ සිට දින 28ක් ඇතුළත අදාළ අභියාචනය ගොනු කළ යුතු බැවින් කඩිනමින් ඊට අවශ්ය පියවර ගන්නා බව නීතිඥ රොෂාන් දෙහිවල මහතා ප්රකාශ කළේය.
එහිදී මාධ්යවේදීන් පූජිත ජයසුන්දරගේ සෞඛ්ය තත්ත්වය සම්බන්ධයෙන් ප්රශ්න කළ අතර ඊට පිළිතුරු ලබාදෙමින් නීතිඥවරයා ප්රකාශ කළේ,
ඔහු මේ වනවිට යහපත් සෞඛ්ය තත්ත්වයෙන් පසුවන බවය.
පාස්කු ඉරු දින ත්රස්ත ප්රහාරයක් එල්ලවන බවට බුද්ධි තොරතුරු ලැබී තිබියදීත් එය වළක්වා නොගැනීමෙන්, රාජකාරිය පැහැරහැරීම සහ මිනීමැරීමට අනුබල දීමේ චෝදනාවලට වැරදිකරුවන් කරමින් හිටපු පොලිස්පති පූජිත ජයසුන්දරට සහ හිටපු ආරක්ෂක ලේකම් හේමසිරි ප්රනාන්දු යන අයට කොළඹ ස්ථිර ත්රිපුද්ගල මහාධිකරණය විසින් මරණ දඬුවම නියම කෙරුණි.
ඒ, ඔවුන් එරෙහිව ගොනු කර තිබූ චෝදනා 855න් චෝදනා 854කටම වරදකරුවන් කරමිනි.
