ශ්රී ලංකාවේ තුර්කි ජනරජයේ තානාපති සෙමිහ් ලුත්ෆු ටුර්ගුට් (Semih Luthfu Turgut) මහතා සහ ශ්රී ලංකා නාවික හමුදාපති වයිස් අද්මිරාල් ඩේමියන් ප්රනාන්දු මහතා අතර නිල හමුවක් අද (06) නාවික හමුදා මූලස්ථානයේදී පැවැත්විණි.
මෙම අවස්ථාවේදී ශ්රී ලංකාවේ 27 වැනි නාවික හමුදාපති ලෙස රාජකාරි භාරගත් වයිස් අද්මිරාල් ඩේමියන් ප්රනාන්දු මහතා වෙත තුර්කි තානාපතිවරයා සිය සුබපැතුම් එක් කළේය.
අනතුරුව දෙපාර්ශ්වය අතර දෙරටේ මිත්රත්වය, නාවික සහයෝගීතාව සහ ද්විපාර්ශ්වික වශයෙන් වැදගත් කරුණු රැසක් පිළිබඳ සුහද සාකච්ඡාවක් පැවැත්වුණු බව නාවික හමුදාව සඳහන් කළේය.
නිල හමුව අවසානයේ දෙපාර්ශ්වය අතර මිත්රත්වය සහ සහයෝගීතාව සංකේතවත් කරමින් සමරු තිළිණ හුවමාරුවක්ද සිදු කෙරිණි.
