පොදු ප්රවාහන සේවය වඩාත් ආරක්ෂිත කිරීමේ අරමුණින් ක්රියාත්මක කරන අහඹු මත්ද්රව්ය පරීක්ෂණ වැඩසටහන සඳහා සෞඛ්ය අමාත්යාංශය විසින් තවත් ජංගම පරීක්ෂණ බස් රථයක් ප්රවාහන, මහාමාර්ග සහ නාගරික සංවර්ධන අමාත්යාංශය වෙත ලබාදී තිබේ.
ප්රවාහන, මහාමාර්ග සහ නාගරික සංවර්ධන අමාත්යාංශය මඟින් ක්රියාත්මක කරන මාර්ග ආරක්ෂාව පිළිබඳ ජාතික වැඩසටහනේ දෙවසරක උපායමාර්ගික සැලැස්මට අනුව මෙම වැඩසටහන ක්රියාත්මක කෙරෙන බව සඳහන් වේ.
නව ජංගම පරීක්ෂණ බස් රථය එක් කිරීමත් සමඟ මත්ද්රව්ය පරීක්ෂණ වැඩසටහන තවදුරටත් පුළුල් කිරීමට අපේක්ෂා කරන බව අමාත්යාංශය පවසයි.
පොදු ප්රවාහන සේවයේ නිරත රියදුරන්, කොන්දොස්තරවරුන් සහ රිය සහායකයන් රාජකාරියේ නිරත වන අවස්ථාවලදී මත්ද්රව්ය භාවිත කර ඇත්දැයි පරීක්ෂා කිරීම සඳහා මෙම ජංගම වැඩසටහන ක්රියාත්මක වන අතර, මේ වන විට එය දිවයිනේ පළාත් පහක් ආවරණය කරමින් සිදු කෙරේ.
පරීක්ෂණ කටයුතු සඳහා අවශ්ය භෞතික හා මානව සම්පත් ක්රමයෙන් වැඩිදියුණු කිරීමෙන් අනතුරුව, දිවයිනේ අනෙකුත් පළාත්වලද මෙම පරීක්ෂණ ක්රමවේදය ක්රියාත්මක කිරීමට ජාතික ප්රවාහන වෛද්ය ආයතනය සැලසුම් කර ඇත.
ප්රවාහන ක්ෂේත්රයේ ආරක්ෂාව තහවුරු කරමින් මිනිස් ජීවිත හා දේපළ ආරක්ෂා කර ගැනීමේ අරමුණින් ක්රියාත්මක මෙම ජාතික අහඹු මත්ද්රව්ය පරීක්ෂණ වැඩසටහන යටතේ මේ වන විට පරීක්ෂණ 7,150ක් සිදුකර තිබේ.
අදාළ වැඩසටහන සඳහා අමාත්යාංශ කිහිපයක සහයෝගය ලබාගනිමින් කෙටි, මධ්ය හා දිගුකාලීන සැලසුම් ඔස්සේ මෙරට මාර්ග අනතුරු හේතුවෙන් සිදුවන ජීවිත හා දේපළ හානි අවම කිරීම අරමුණු කර ඇති බවද සඳහන් වේ.
