2026 පහ ශ්රේණිය ශිෂ්යත්ව විභාගයේ ප්රතිඵල මාසයක් ඇතුළත නිකුත් කිරීමට කටයුතු කරන බව විභාග කොමසාරිස් ජනරාල් ඉන්දිකා කුමාරි මහත්මිය පවසයි.
අද (10) පෙරවරුවේ පැවැති මාධ්ය හමුවකට එක්වෙමින් ඇය සඳහන් කළේ, ශිෂ්යත්ව විභාගයේ පිළිතුරු පත්ර ඇගයීමේ කටයුතු අගෝස්තු 20 වැනිදා සිට 25 වැනිදා දක්වා සිදුකිරීමට අවශ්ය සියලු කටයුතු සූදානම් කර ඇති බවයි.
මෙවර පහ ශ්රේණිය ශිෂ්යත්ව විභාගය ඊයේ (09) දිවයින පුරා පිහිටි විභාග මධ්යස්ථාන 2,723කදී පැවැත්විණි.
විභාගය සඳහා අපේක්ෂකයන් 294,089 දෙනෙකු පෙනී සිට ඇති අතර, ඉන් 220,366 දෙනෙකු සිංහල මාධ්යයෙන්ද, 73,723 දෙනෙකු දෙමළ මාධ්යයෙන්ද විභාගයට සහභාගී වී ඇති බව විභාග දෙපාර්තමේන්තුව සඳහන් කරයි.
ඒ අනුව ඇගයීම් කටයුතු අවසන් කිරීමෙන් අනතුරුව, ශිෂ්යත්ව විභාගයේ ප්රතිඵල කඩිනමින් නිකුත් කිරීමට කටයුතු කරන බව විභාග කොමසාරිස් ජනරාල්වරිය වැඩිදුරටත් සඳහන් කළාය.
