සංචාරක ඉන්දීය කණ්ඩායම සමඟ පැවැත්වීමට නියමිත තරග දෙකකින් සමන්විත ටෙස්ට් ක්රිකට් තරගාවලියේ පළමු තරගය සඳහා ශ්රී ලංකා සංචිතය අද (12) ප්රකාශයට පත් කර තිබේ.
ධනංජය ද සිල්වාගේ නායකත්වයෙන් යුත් ශ්රී ලංකා සංචිතයේ උපනායකයා ලෙස කමිඳු මෙන්ඩිස් පත්කර ඇත.
ආබාධයකට ලක්වීම හේතුවෙන් කුසල් මෙන්ඩිස් මෙම සංචිතයට ඇතුළත් කර නොමැති අතර, ඒ අනුව කමිඳු මෙන්ඩිස්ට පළමු ටෙස්ට් තරගයේ උපනායකත්වය හිමිව තිබේ.
කුසල් මෙන්ඩිස් වෙනුවට කඩුලු රකින ක්රීඩක නිරෝෂන් දික්වැල්ල යළිත් ටෙස්ට් සංචිතයට කැඳවා තිබීමද විශේෂත්වයකි.
2023 මාර්තු මාසයේදී දකුණු අප්රිකාවට එරෙහිව පැවැති ටෙස්ට් තරගයෙන් අනතුරුව දික්වැල්ල ශ්රී ලංකා ටෙස්ට් කණ්ඩායම නියෝජනය කර නොමැති අතර, වසර තුනකට පමණ පසු ඔහු යළිත් ටෙස්ට් සංචිතයට එක්ව සිටී.
මේ අතර, අවසන් වරට පැවැති කොදෙව් සංචාරයට සහභාගී නොවූ ක්රීඩකයින් කිහිපදෙනෙකු මෙන්ම ජාත්යන්තර වරම් හිමි නොවූ නවක ක්රීඩකයින් දෙදෙනෙකුද සංචිතයට ඇතුළත් කර තිබේ.
ඒ අනුව මෙතෙක් කිසිදු ජාත්යන්තර ක්රිකට් තරගයකට ක්රීඩා කර නොමැති පසිඳු සූරියබණ්ඩාර සහ කේෂර නුවන්ත ද ශ්රී ලංකා ටෙස්ට් සංචිතයට කැඳවා ඇත. පසිඳු සූරියබණ්ඩාර පිතිකරුවෙකු ලෙසත්, කේෂර නුවන්ත තුන්ඉරියව් ක්රීඩකයෙකු ලෙසත් කටයුතු කරයි.
ශ්රී ලංකාව සහ ඉන්දියාව අතර තරග දෙකකින් සමන්විත ටෙස්ට් තරගාවලියේ පළමු තරගය අගෝස්තු 15 වැනිදා ගාල්ල ජාත්යන්තර ක්රිකට් ක්රීඩාංගණයේදී ආරම්භ වීමට නියමිතය.
ශ්රී ලංකා ටෙස්ට් සංචිතය
- ධනංජය ද සිල්වා – නායක
- ලහිරු උදාර
- නිශාන් මධුෂ්ක
- කමිඳු මෙන්ඩිස් – උපනායක
- දිනේෂ් චන්දිමාල්
- පසිඳු සූරියබණ්ඩාර
- සොනාල් දිනූෂ
- නිරෝෂන් දික්වැල්ල – කඩුලු රකින්නා
- රමේෂ් මෙන්ඩිස්
- ප්රභාත් ජයසූරිය
- කේෂර නුවන්ත
- මිලාන් රත්නායක
- අසිත ප්රනාන්දු
- ළහිරු කුමාර
- විශ්ව ප්රනාන්දු
- දිල්ෂාන් මධුෂංක
