විනිසුරුවරුන්ගේ විශ්රාම වයස දීර්ඝ කිරීමේ යෝජනාව සම්බන්ධයෙන් සාකච්ඡා කිරීම සඳහා ශ්රී ලංකා නීතිඥ සංගමයේ නියෝජිතයින් මේ වනවිට ජනාධිපති ලේකම් කාර්යාලය වෙත පැමිණ තිබේ.
ඒ, ජනාධිපති අනුර කුමාර දිසානායක මහතා විසින් එම සංගමයට ලබාදුන් සාකච්ඡා අවස්ථාවට සහභාගී වීම සඳහාය.
ශ්රී ලංකා නීතිඥ සංගමය, විපක්ෂයේ දේශපාලන පක්ෂ රැසක්, සිවිල් සංවිධාන මෙන්ම ජාත්යන්තර නීති සංවිධානවලින්ද විරෝධතා එල්ල වී තිබියදී, උපරිමාධිකරණ විනිසුරුවරුන්ගේ විශ්රාම වයස දීර්ඝ කිරීමට අදාළ ව්යවස්ථා සංශෝධනයට කැබිනට් මණ්ඩලය පසුගියදා අනුමැතිය ලබා දී තිබුණි.
ඒ අනුව, ඊට අදාළ විසි දෙවැනි ආණ්ඩුක්රම ව්යවස්ථා සංශෝධන පනත් කෙටුම්පත පසුගිය සිකුරාදා ගැසට් පත්රයේ පළ කෙරුණි.
මෙවැනි පසුබිමක් තුළ විනිසුරුවරුන්ගේ විශ්රාම වයස දීර්ඝ කිරීමේ යෝජනාව සම්බන්ධයෙන් සිය ස්ථාවරය ශ්රී ලංකා නීතිඥ සංගමය විසින් පසුගියදා ජනාධිපතිවරයා වෙත ලිඛිතව දැනුම් දෙනු ලැබීය.
එමෙන්ම අධිකරණ අමාත්ය හර්ෂණ නානායක්කාර මහතා සමඟ පැවති සාකච්ඡාවකදීද, මේ පිළිබඳව ජනාධිපතිවරයා සමඟ සාකච්ඡා කිරීමට අවස්ථාවක් ලබාදෙන ලෙස ශ්රී ලංකා නීතිඥ සංගමය ඉල්ලීමක් කර තිබුණි.
ඒ අනුව, අදාළ යෝජනාව සම්බන්ධයෙන් සාකච්ඡා කිරීම සඳහා ජනාධිපති අනුර කුමාර දිසානායක මහතා විසින් ශ්රී ලංකා නීතිඥ සංගමයට මෙම සාකච්ඡා අවස්ථාව ලබාදී තිබේ.
