වසර 30කට ආසන්න කාලයකට පසුව එක්සත් රාජධානිය ඇතුළු යුරෝපයේ ප්රදේශ රැසක මිලියන ගණනකට දුර්ලභ සූර්යග්රහණයක් නිරීක්ෂණය කිරීමට අවස්ථාව ලැබී තිබේ.
එක්සත් රාජධානියේ ජනතාවට අර්ධ සූර්යග්රහණයක් දැකගත හැකි වූ අතර, බ්රිතාන්ය වේලාවෙන් රාත්රී 7.00ට මඳ වේලාවකට පසු එය උපරිම අවස්ථාවට පැමිණ තිබේ. එම අවස්ථාවේදී රටේ බොහෝ ප්රදේශවලින් සූර්යයාගෙන් 90%කට වැඩි ප්රමාණයක් සඳෙන් ආවරණය වී තිබෙන ආකාරය නිරීක්ෂණය කළ හැකි වී ඇත.
කෙසේ වෙතත්, ග්රීන්ලන්තය, අයිස්ලන්තය සහ ස්පාඤ්ඤයේ ඇතැම් ප්රදේශවලට සම්පූර්ණ සූර්යග්රහණය දැකගැනීමට හැකිව තිබේ. එම අවස්ථාවේදී දිවා කාලය මධ්යයේ පවා ප්රදේශ සම්පූර්ණයෙන් අඳුරු වීම විශේෂ දර්ශනයක් වී ඇති බව විදෙස් මාධ්ය වාර්තා කරයි.
සූර්යග්රහණය නැරඹීම සඳහා එක්සත් රාජධානිය සහ යුරෝපය පුරා එක්රැස් වූ විශාල ජනකායන් අතරින් විස්මය පළ කරමින් ඔල්වරසන් හඬ නැගුණු බවද වාර්තා වේ.
තාරකා විද්යාඥයින් පෙන්වා දෙන්නේ මෙවැනි දුර්ලභ සූර්යග්රහණයක් විශ්වයේ විශාලත්වය මෙන්ම ස්වභාවධර්මයේ අපූර්වත්වය පිළිබඳව යළි සිහිපත් කරවන සුවිශේෂී අවස්ථාවක් බවයි.
