ජනලේඛන හා සංඛ්යාලේඛන දෙපාර්තමේන්තුව විසින් නිකුත් කරන ලද නවත ම ජාතික පාරිභෝගික මිල දර්ශක වාර්තාවලට අනුව, 2026 අගෝස්තු මාසයේ දී මෙරට උද්ධමනය 8.1%ක් දක්වා වර්ධනය වී තිබේ. පසුගිය ජූලි මාසයේදී 7.2%ක් ලෙස සටහන් වූ උද්ධමන අනුපාතය හා සැසඳීමේ දී අගෝස්තු මාසයේ දී මෙම පැහැදිලි ඉහළ යාම නිරීක්ෂණය වී ඇත.
මෙම මිල ඉහළ යාම සඳහා ආහාර කාණ්ඩයේ මිල ගණන් ඉහළ යාම ප්රධාන වශයෙන් බලපා ඇත. ජූලි මාසයේ දී 4.9%ක්ව පැවති ආහාර කාණ්ඩයේ ලක්ෂ්යමය උද්ධමනය අගෝස්තු වනවිට 6.6% දක්වා වැඩි වී තිබීම ඊට හේතුවයි.
එමෙන්ම ආහාර නොවන කාණ්ඩයේ ද සුළු මිල ඉහළ යාමක් වාර්තා වේ. ජනලේඛන හා සංඛ්යාලේඛන දෙපාර්තමේන්තු දත්තවලට අනුව ජූලි මාසයේ 9.2%ක් ලෙස පැවති ආහාර නොවන කාණ්ඩයේ ලක්ෂ්යමය උද්ධමනය අගෝස්තු මාසයේදී 9.3% දක්වා සප්රමාණිකව වැඩි වී ඇති බව සඳහන් කළ හැක.
