සංවිධානාත්මක අපරාධ කල්ලි නායකයින් දෙදෙනෙකු වන නඳුන් චින්තක වික්රමරත්න හෙවත් ‘හරක් කටා’ සහ මන්දිනු පද්මසිරි හෙවත් ‘කෙහෙල්බද්දර පද්මේ’ අතර වැලිසර බන්ධනාගාරය තුළදී ඊයේ (22) රාත්රියේ දරුණු ගැටුමක් හටගෙන තිබේ.
මෙම හදිසි නොසන්සුන්කාරී තත්ත්වය සම්බන්ධයෙන් වහාම ක්රියාත්මක වූ බන්ධනාගාර දෙපාර්තමේන්තුව, සිද්ධිය පිළිබඳව සොයා බැලීම සඳහා විශේෂ විමර්ශනයක් ආරම්භ කිරීමට පියවර ගෙන ඇත.
මෙම ගැටුමෙන් තුවාල ලැබූ කෙහෙල්බද්දර පද්මේ නමැත්තා වහාම රෝහල් ගත කිරීමට කටයුතු කර ඇති අතර, ඔහු මේ වන විට වැලිසර බන්ධනාගාර රෝහලේ ප්රතිකාර ලබමින් පසුවන බව බන්ධනාගාර ආරංචි මාර්ග තහවුරු කරයි.
මේ අතර, බන්ධනාගාරය තුළ සිදු වූ මෙම බරපතළ සිදුවීම සම්බන්ධයෙන් විනිවිදභාවයකින් යුතුව විමර්ශන කටයුතු මෙහෙයවීම සඳහා සහකාර බන්ධනාගාර අධිකාරීවරයෙකු විශේෂයෙන් පත්කර ඇති බව බන්ධනාගාර දෙපාර්තමේන්තුව වැඩිදුරටත් සඳහන් කරයි.
