මැදපෙරදිග කලාපයේ හටගෙන ඇති යුදමය වාතාවරණය හේතුවෙන් ලෝක වෙළෙඳපොළේ ඉන්ධන මිල ශීඝ්රයෙන් ඉහළ යමින් පවතී. එමගින් මෙරට පාරිභෝගිකයන් මුහුණදෙන අභියෝගයන් අවම කිරීමේ අරමුණින්, ඉදිරි මාස තුනක කාලය සඳහා ඔටෝ ඩීසල් සහ කාර්මික ඩීසල් සඳහා විශේෂ සහනාධාරයක් ලබාදීමට රජය පියවර ගෙන තිබේ.
ජනාධිපතිවරයා විසින් අමාත්යය මණ්ඩලයට ඉදිරිපත් කරන ලද මෙම යෝජනාවට පූර්ණ අනුමැතිය හිමි වී ඇති අතර, ඒ අනුව ඔක්තෝබර්, නොවැම්බර් සහ දෙසැම්බර් යන මාසයන්හි දී අදාළ සහනාධාරය ක්රියාත්මක කිරීමට අවශ්යය ප්රතිපාදන වෙන් කිරීමට නියමිතය.
මෙම ක්රියාවලිය යටතේ සහනාධාර ලබාදීම වෙනුවෙන් ඔක්තෝබර් මාසය සඳහා රුපියල් බිලියන 15ක්, නොවැම්බර් මාසය සඳහා රුපියල් බිලියන 13.5ක් සහ දෙසැම්බර් මාසය සඳහා රුපියල් බිලියන 12.15ක් වශයෙන් මුදලක් වෙන් කෙරේ.
ඒ අනුව, අදාළ මාස තුනක කාලසීමාව තුළ ඩීසල් සහනාධාර වෙනුවෙන් රජය විසින් වෙන් කරනු ලබන සමස්ත මුදල රුපියල් බිලියන 40.65කි.
ලෝක වෙළෙඳපොළේ ඉන්ධන මිල ඉහළ ගිය ද, ඊට සාපේක්ෂ ව මෙරට පාරිභෝගිකයන් මත පැටවෙන පීඩනය වැළැක්වීමත්, ඉන්ධන මිල ජනතාවට දැරිය හැකි මට්ටමක ස්ථාවරව පවත්වාගෙන යාමත් මෙම සහනාධාර වැඩසටහනේ ප්රධාන අරමුණවන බව රජය වැඩිදුරටත් සඳහන් කරයි.
