එයාර් බස් සිද්ධියට අදාළ ව එල්ල වී ඇති මුදල් විශුද්ධිකරණ චෝදනා යටතේ රක්ෂිත බන්ධනාගාර ගත කර සිටි පාර්ලිමේන්තු මන්ත්රී නාමල් රාජපක්ෂ මහතා ඇප මත මුදා හැරීමට කොළඹ කොටුව මහේස්ත්රාත් අධිකරණය නියෝග කර තිබේ.
කොළඹ කොටුව මහේස්ත්රාත් පසන් අමරසේන මහතා විසින් මෙම නියෝගය නිකුත් කර ඇති අතර, ඒ අනුව සැකකාර නාමල් රාජපක්ෂ මහතා රුපියල් ලක්ෂ පහක මුදල් ඇපයක් සහ මිලියන 100 ශරීර ඇප 2 ක්, විදේශ ගමන් තහනම් කිරීමට පියවර ගෙන ඇත.
මීට අමතර ව සැකකරුගේ විදේශ ගමන් බලපත්රය තහනම් කිරීමට නියෝග කළ මහේස්ත්රාත්වරයා, ඒ පිළිබඳව ආගමන හා විගමන පාලකවරයා දැනුවත් කරන ලෙස ද නියෝග කළේය. නඩුවේ සාක්ෂිකරුවන්ට බලපෑම් කිරීමෙන් වළකින ලෙස ද සැකකරු වෙත තවත් ඇප කොන්දේසියක් පනවා තිබේ.
