පරිසර ආරක්ෂණය උදෙසා පොලිතින් භාවිතය අඩු කිරීමේ වැඩපිළිවෙලක් ක්‍රියාත්මක කිරිම සදහා අවශ්‍ය මූලික පියවරක් ලෙස නොවැම්බර් 1 වන දින සිට ෂොපිං බෑග් වලට ගාස්තු අය කිරීමට ගැසට් නිවේදනයක් නිකුත් කිරීමට රජය සූදානම් බව පරිසර අමාත්‍යාංශය ශ්‍රේෂ්ඨාධිකරණයට දන්වා ඇත.
පොලිතින් භාවිතය තුළින් පාරිසරික විනාශයක් සිදුවන හෙයින් ඒවා භාවිත කිරීම අවම කිරීමේ වැඩපිලිවෙලක් සකස් කිරීමේ නියෝගයක් නිකුත් කරන ලෙස පරිසර යුක්ති කේන්ද්‍රය විසින් ගොනුකල මූලික අයිතිවාසිකම් පෙත්සම අද කැඳවූ අවස්ථාවේදී මෙම දැනුම්දීම සිදු කර තිබේ.
මීට පෙර සුපිරි වෙළෙඳසැල් ඇතුළු වෙළෙඳ ආයතනවලින් පාරිභෝගිකයින්ට නිකුත් කරනු ලබන ෂොපිං මලු භාවිතය අවම කිරීම සඳහා මාර්තු 28 වන දින ෂොපිං බෑග් මත බද්දක් පනවන බවට ලබා දුන් එකඟතාවයට ක්‍රියාත්මක නොවීම හේතුවෙන් මෙම පෙත්සම ඉදිරිපත් කිරීමට සිදු වූ බව පරිසර අමාත්‍යවරයා විසින් පවසා ඇත.
වගකිව යුතු පාර්ශ්වයන් විසින් නොවැම්බර් 1 සිට ගාස්තු අය කිරීමේ ගැසට් නිවේදනයක් නිකුත් කිරීමට අපේක්ෂා කරන බව නියෝජ්‍ය සොලිසිටර් ජෙනරාල් විසින් අධිකරණයට දන්වා ඇත.
මෙම දැනුම්දීමට පරිසරය යුක්ති කේන්ද්‍රය එකඟ වී ඇති අතර, එම නියෝගය සමග නඩු විභාගය අවසන් කිරීමට ශ්‍රේෂ්ඨාධිකරණය නියෝග කර ඇත.
