ශ්රී ලංකා සංචාරක සංවර්ධන අධිකාරියේ (SLTDA) නව සභාපතිවරයා ලෙස සුරංජිත් වෑවිට මහතා පත්කර තිබේ.
ජනාධිපති කාර්ය සාධක බලකායේ සාමාජිකයෙකු ලෙසද කටයුතු කරන ඒ මහතා බැංකු ක්ෂේත්රයේ විවිධ අංශයන්හි වසර 20කට වැඩි වෘත්තීය අත්දැකීම් සහිත අයෙකු බව සඳහන් වේ.
2013 වසරේදී මධ්යම පළාතේ හොඳම කිරි ආශ්රිත අතුරු නිෂ්පාදන ව්යවසායකයා ලෙසද සුරංජිත් වෑවිට මහතා ඇගයීමට ලක්ව තිබේ.
කෑගල්ල ශාන්ත මරියා විද්යාලයේ ආදි සිසුවෙකු වන ඒ මහතා බලපත්රලාභී සංචාරක මාර්ගෝපදේශක කථිකාචාර්යවරයෙකු ලෙසද කටයුතු කර ඇති අතර, විවිධ ක්ෂේත්රයන්හි අත්දැකීම් සහිත පුද්ගලයෙකු ලෙස හඳුන්වා දී ඇත.
ශ්රී ලංකා සංචාරක සංවර්ධන අධිකාරියේ සභාපති ධුරය දැරූ බුද්ධික හේවාවසම් මහතා පෞද්ගලික හා වෘත්තීය හේතු මත ඊයේ (17) සිය ධුරයෙන් ඉල්ලා අස්වීමෙන් පසු ඇති වූ පුරප්පාඩුව සඳහා මෙම නව පත්කිරීම සිදුකර තිබේ.
බුද්ධික හේවාවසම් මහතා සිය ඉල්ලා අස්වීම සම්බන්ධයෙන් විදේශ කටයුතු සහ විදේශ රැකියා අමාත්යවරයා වෙත ලිඛිතව දැනුම් දී ඇති බවද වාර්තා වේ.
