කෝපායි පොලීසිය යාපනය දිසා අධිකරණයෙන් ලබාදුන් නියෝගයකට අනුව තාවකාලිව එම ස්ථානයෙන් ඉවත් කර ඇති බව වාර්තා වේ.
එම පොලිස් ස්ථානය සිවිල් වැසියන් 8 දෙනෙකුට අයත් නිවාස 8ක පවත්වාගෙන ගොස් ඇති අතර එම නිවාසවලින් 7ක් නැවත එම පුද්ගලයන්ට ලබාදෙන ලෙස අධිකරණය නියෝග කර තිබේ.
අද (15) දිනයේදී පිස්කල්වරයා විසින් එම නිවාස හිමිකරුවන්ට ලබාදි ඇති බව පොලීසිය පවසයි.
ඒ අනුව තාවකාලිකව යාපනය පොලිසිය අදාළ ප්‍රදේශයේ පැමිණිලි බාරගනු ඇත.
මේ වන විට ආරක්ෂක හේතුන්මත කෝපායි පොලිසියේ අවි ගබඩාවද යාපනය පොලීසියට රැගෙන ගොස් ඇති අතර තවත් මාස දෙකකින් පමණ කෝපායි පොලීසිය නැවත ස්ථාපිත කිරීමට කටයුතු කරන බව උසස් පොලිස් නිලධාරියෙක් සඳහන් කරයි.
