රුහුණු විශ්වවිද්‍යාලයේ කෘෂි විද්‍යාපීඨයේ සිසුන් දෙපිරිසක් අතර ඇති වූ ගැටුම සම්බන්ධයෙන් අත්අඩංගුවට ගත් සිසුන් 21 දෙනෙක් මාතර මහේස්ත්‍රාත් අධිකරණය වෙත අද (21) දිනයේ ඉදිරිපත් කරන බව පොලීසිය පවසයි.
එ සදහා හේතු වී ඇත්තේ (19) දින පැවැති ක්‍රිකට් තරගයක ලකුණු සම්බන්ධයෙන් ඇතිවූ ගැටුමකි.
ඉන් පසුව එය සමථයකට පත්වී ඇති අතර ඊයේ (20) දිනයේදී ද අදාළ සිද්ධිය සම්බන්ධයෙන් විශ්වවිද්‍යාලයේ කෘෂි විද්‍ය පීඨයේ තෙවන වසරේ සිසුන් සහ දෙවන වසරේ සිසුන් දෙපිරිසක් අතර ගැටුමක් ඇති වී සිසුන් 6 දෙනෙකු පමණ තුවාල ලබයි.
එහිදී කෘෂි විද්‍යා පීඨයේ පාලනාධිකාරිය විසින් තත්ත්වය පාලනය කිරීම සඳහා එම වසරවල් දෙකේ සිසුන් තාවකාලිකව අදාළ පරිශ්‍රයෙන් ඉවත් කිරීමට පාලනාධිකාරිය පියවර ගෙන තිබුණී.
ඒ අනුව මෙම ගැටුමට සම්බන්ධ අත්අඩංගුවට ගත් සිසුන් 21 දෙනෙක් අද දිනයේ මාතර මහේස්ත්‍රාත් අධිකරණය වෙත අද ඉදිරිපත් කිරීමට නියමිත බව පොලීසිය පවසයි.
