බද්දේගම ප්‍රාදේශීය සභාවේ උපසභාපති සමන් සී ලියනගේ මැර ප්‍රහාරයක් හේතුවෙන් රෝහල් ගතකර ඇති බව වාර්තා වේ.
ඊයේ (24) පස්වරුවේ කිසියම් පුද්ගලයෙකු විසින් මෙම පහරදීම සිදුකර ඇති අතර ඒ ඔහු බිරිඳ සමග නිවස බලා යමින් සිටියදී බද්දේගම, ගොඩකන්ද ප්‍රදේශයේ දී මාර්ගය හරස්කරමිනි.
උපසභාපතිවරයා මේ වනවිට ගාල්ල ජාතික රෝහලට ඇතුළත්කර ප්‍රතිකාර ලබමින් සිටින අතර, ප්‍රහාරය සම්බන්ධයෙන් පෝද්දල පොලීසියට පැමිණිල්ලක් ද කර ඇත.
බද්දේගම ප්‍රාදේශීය සභාවට තරගකළ අපේක්ෂකයෙකු විසින් මෙම ප්‍රහාරය එල්ලකරන්නට ඇති බවට සැක කෙරෙන අතර ප්‍රහාරය සම්බන්ධයෙන් පෝද්දල පොලීසිය වැඩිදුර විමර්ශන සිදුකරයි.
