පසුගිය කාල සීමාව පුරාවටම වෛද්‍යවරු ස්ථාන මාරු ඇතුළු කරුණු කීපයක් මුල්කර ගනිමින් විවිධ වෘත්තීය ක්‍රියාමාර්ගවලට එළඹීමට තීරණය කර තිබූ අතර නොවැම්බර් 17 වැනිදා සිට වෘත්තිය ක්‍රියාමාර්ගයක නිරත වන බව රජයේ වෛද්‍ය නිලධාරීන්ගේ සංගමය පවසයි.
වෛද්‍යවරුන්ගේ ගැටලුවලට අයවැයෙන් විසඳුම් ලබා නොදීම හේතුවෙන් රජයේ වෛද්‍ය නිලධාරීන්ගේ සංගමයේ මධ්‍යම කාරක සභාවේ දී මෙම තීරණය ගෙන ඇත.
සෞඛ්‍ය සායනවලදී, රෝහල්වලට පිටතින් ඖෂධ ගැනීම සඳහා ඖෂධ වට්ටෝරු නිකුත් නොකිරීමට ද තීරණය කර ඇති බව රජයේ වෛද්‍ය නිලධාරීන්ගේ සංගමය වැඩිදුරටත් පවසයි.
