බංග්ලාදේශයෙන් පළාගිය හිටපු අගමැතිනි ශෙයික් හෂීනාට එරෙහිව ගොනු කර ඇති අපරාධ චෝදනා සම්බන්ධ නඩුවේ තීන්දුව ලබන 17 වනදා ප්‍රකාශයට පත්කරන බවට එරට ජාත්‍යන්තර අපරාධ විනිශ්චය සභාව කළ දැනුම් දීමත් සමග රට පුරා යළි විරෝධතා ආරම්භ වී ඇති බව වාර්තා වේ.
හිටපු අගමැතිනියගේ අවාමී ලීගය විසින් එම නඩු විභාගයට විරෝධය පළ කර රට පුරා වර්ජන සහ ලොක්ඩවුන් කිරීමටද සුදානම් වන බව පැවසෙයි. අගමැතිනි හසීනා බලයෙන් පහ කිරීමෙන් වසරකට වැඩි කාලයක් ගතවී ඇතත්, නීති විරෝධී ඝාතන සහ අතුරුදහන් කිරීම් සහ ඇගේ පාලන ක්‍රමය විසින් ගෙන ගිය දූෂිත ක්‍රියාවන් දිගටම සිදුවන බව ද විදෙස් මාධ්‍ය සඳහන් කරයි.
කෙසේ වුවද බංග්ලාදේශයේ අන්තර්කාලීන රජය විසින් හිටපු අගමැතිනි ෂෙයික් හසීනාගේ පක්ෂය වන අවාමි ලීගයේ සියලුම ක්‍රියාකාරකම් තහනම් කර ඇති බවද වාර්තා විය.
2024 වසරේ ජූලි මාසයේදී තරුණ තරුණියන් විසින් මෙහෙයවන ලද දැවැන්ත විරෝධතා හමුවේ ආරම්භ වූ මහජන නැගිටීම වසර 15 ක් තිස්සේ බංග්ලාදේශය දරදඬු පාලනයක් ගෙන ගිය ශෙයික් හසීනා බලයෙන් පහ කිරීමට හේතු විය. ශිෂ්‍ය නායකත්වයෙන් යුත් එම නැගිටීමෙන් පසු අගමැතිනි හසීනා ධූරයෙන් නෙරපා හැරීමෙන් පසු, රටේ බොහෝ දෙනෙක් විශ්වාස කළේ බලහත්කාර අතුරුදහන් කිරීම් සහ නීති විරෝධී ඝාතන අවසන් වනු ඇති බවයි.
පසුගිය වසරේ අගෝස්තු 8 වන දින දිවුරුම් දුන් නොබෙල් සාම ත්‍යාගලාභී මුහම්මද් යූනුස්ගේ නායකත්වයෙන් යුත් අන්තර්කාලීන පරිපාලනය ආරම්භ වූයේ යුක්තිය, ප්‍රතිසංස්කරණය සහ රාජ්‍ය ප්‍රචණ්ඩත්වය අවසන් කිරීම පිළිබඳ පොරොන්දු සමඟිනි. නමුත් වසරකට වැඩි කාලයක් ගතවී ඇතත්, එම පොරොන්දු ඉටු කිරීමට අපොහොසත් වී ඇත.
බංග්ලාදේශයේ අයිතිවාසිකම් පිලිබඳ කණ්ඩායමක් වන ඔඩිකාර් විසින් නිකුත් කරන ලද නව වාර්තාවකින් පෙනී යන්නේ ඝාතන සිදු වීම් තියුනු ලෙස පහත වැටී ඇති නමුත්, එවැනි තත්ත්වයන් වර්ධනය වීමට අනුබල දෙන ක්‍රමවේදයන් බොහෝ දුරට නොවෙනස්ව පවතින බවයි.
හසිනාගේ පාලනය තුළ බංග්ලාදේශ ආරක්ෂක හමුදා වල නීති විරෝධී මරණ දණ්ඩනයන්, අත්අඩංගුවේ සිටියදී වධහිංසා පැමිණවීම සහ විරෝධතාකරුවන්ට වෙඩි තැබීම් මගින් අවම වශයෙන් පුද්ගලයින් 2,597 දෙනෙකු පමණ ඝාතනය කළ බවට චෝදනා එල්ල වී ඇති බව මානව හිමිකම් දත්ත විශ්ලේෂණයකින් පෙනී යන බව අල් ජසීරා වාර්තා කර ඇත.
නමුත් ඔධිකාර්ගේ නවතම වාර්තාවට අනුව, යූනුස්ගේ නායකත්වයෙන් යුත් අන්තර්කාලීන රජය යටතේ 2024 අගෝස්තු සිට 2025 සැප්තැම්බර් දක්වා කාලය තුළ අවම වශයෙන් 40 දෙනෙකු පමණ නීති විරෝධී ලෙස ඝාතනයන්ට ලක්ව ඇති බව වාර්තා වේ.
අන්තර්කාලීන රජයේ මුල් මාස 14 පිළිබඳව වන ඔධිකාර් වාර්තාව අනුව මසකට සාමාන්‍යයෙන් නීති විරෝධී ඝාතන තුනක් සිදු වී ඇති බව වාර්තා වේ. ජූලි සිට සැප්තැම්බර් දක්වා කාලය තුළ පමණක් පුද්ගලයින් 11 දෙනෙකු මිය ගොස් ඇත.
දකුණු බංග්ලාදේශයේ දූපත් දිස්ත්‍රික්කයක් වන භෝලා හි, නස්රුල් ඉස්ලාම් 2024 අගෝස්තු මාසයේදී සොරකම් චෝදනා මත අත්අඩංගුවට ගෙන පොලිස් අත්අඩංගුවේ දී වධහිංසා පැමිණවීමෙන් පසු මිය ගියේය. ඔහුගේ මරණය සම්බන්ධයෙන් කිසිදු නිලධාරියෙකුට චෝදනා එල්ල වී නොමැත.
ඩකා නගරයට ආසන්නයේ පිහිටි ගාසිපූර් හි, ඇඟලුම් කම්හල් සේවක හබිබර් රහ්මාන් මෙම වසරේ කම්කරු විරෝධතාවක් විසුරුවා හැරීමට පොලිසිය විසින් සිදු කළ වෙඩි තැබීමේදී වෙඩි තබා ඝාතනය කර ඇති බව වාර්තා වේ. ඩකා නගරයට ආසන්නයේ පිහිටි ගාසිපූර් හි, ඇඟලුම් කම්හල් සේවක හබිබර් රහ්මාන් මෙම වසරේ කම්කරු විරෝධතාවක් විසුරුවා හැරීමට පොලිසිය විසින් සිදු කළ වෙඩි තැබීමේදී වෙඩි තබා ඝාතනය කර ඇති බව වාර්තා වේ. ඔහුගේ මරණය පිළිබඳව කිසිදු අධිකරණ පරීක්ෂණයකට හෝ විමර්ශනයකට ලක් වී නැති බව පෙනේ.
බංග්ලාදේශය වධහිංසාවට එරෙහි එක්සත් ජාතීන්ගේ සම්මුතිය සහ එහි විකල්ප ප්‍රොටෝකෝලය අනුමත කළද, නීතිය ක්‍රියාත්මක කරන්නන්ද බමේ යටතේ වගකිවයුත්තන් බවට පත් කිරීමට තවමත් ඵලදායී යාන්ත්‍රණයක් නොමැති බව ඔධිකාර් වාර්තාව සඳහන් කර ඇත.
