ජාතික ජන බලවේග ආණ්ඩුවක් යටතේ කිසිසේත්ම මාධ්‍ය නියාමනයක් සිදු නොකරන බව ජනමාධ්‍ය සහ සෞඛ්‍ය අමාත්‍ය නලින්ද ජයතිස්ස පවසයි.
ඔහු මෙම අදහස් පල කළේ, ඊයේ (23) පැවති දඹුල්ල නව ප්‍රාදේශීය තැපැල් හුවමාරු මධ්‍යස්ථානය ඉදිකිරීම සඳහා මුල්ගල තැබීමේ අවස්ථාවට එක්වෙමිනි.
ජාතික ජන බලවේග ආණ්ඩුවක් යටතේ ක්‍රියාත්මක වන ඇතැම් දේවල්වලට මාධ්‍ය විසින් මඩ ගැසීම සිදු කරන අතර, කෘතීම බුද්ධිය භාවිතා කරමින් විකෘති කරන ලද ප්‍රවෘත්ති නිර්මාණය කිරීම සම්බන්ධයෙන් මාධ්‍ය නියාමයක් සිදු කළ යුතුද යන්න මාධ්‍යවේදීන් එහිදී අමාත්‍යවරයාගෙන් ප්‍රශ්න කලේය.
ඊට පිලීතුරු ලබා දෙමින් අමාත්‍යවරයා කියා සිටියේ,
” පළවෙනි දේ තිබෙන්නේ මාධ්‍ය ක්‍ෂේත්‍ර නිරත වන කෙනෙකුට සමාජ වගකීමක් තියෙනවා. ඒක සමාජ මාධ්‍ය, විද්‍යුත් මධ්‍ය, මුද්‍රිත මාධ්‍ය හෝ කවර මාධ්‍යක් භාවිතා කලත්, සාමාන්‍ය ඕනෑම මාධ්‍යයකින් ප්‍රචාරය කරන දේ පිළිබඳව ජනතාව කොටසක්ම විශ්වාස කරනවා කියලා ඒ අය තේරුම් ගන්නට ඕනේ.එතකොට ජනතාවගේ විශ්වාසයෙන් පළඳුවන ආකාරයට තමන්ගේ පෞද්ගලික කෝන්තර පිරිමහන්න යම් කෙනෙක් කටයුතු කරනවා නම් එය ඵලයෙන්ම සමාජ වගකිව පැහැරීමක්. රජයක් හෝ කවුරුවත් නියාමනයකට පෙරාතුව පළමු කාරණය තමන්ගේ සමාජ වගකීම සම්බන්ධයෙන් ඒ සමාජ මාධ්‍ය තුළ කටයුතු කරන අයත් දැනුවත්ව, අවබෝධයෙන් කටයුතු කරන එක…
දෙවනුවට අපි කිසිසේත්ම රජයක් හැටියට මාධ්‍ය නියාමනයට කටයුතු කරන්නේ නැහැ. මොනවා හරි එවැනි ආකාරයේ සාකච්ඡාව සිදුවනවා නම් සිදුවන්නේම දැනට ඉන්න මාධ්‍ය ආයතන, මාධ්‍යවේදීන් ඇතුලු සියලු දෙනාගේම මැදිහත්වීම සහිතව. බලාපොරොත්තු වෙන්නේ ඇත්තටම රජය පැත්තෙන් කටයුතු කරනවට වඩා මේ මාධ්‍යවේදිනුත් සම්බන්ධ කරගෙන කරන කටයුතු කරන්න තමයි. කොහොමටත් ජනතාවගේ ආරක්ෂාව ජනතාවගේ පුද්ගලිකත්වය ආරක්ෂාව, ඒවගේ මේ රටේ සංහිදියාව ආදී සියලු කාරණා වෙනුවෙන් දැනට නීතියක් හැටියට පවතින online Safety Bill එක දැනටමත් ඒ පනත වෙනස් වෙලා තිබෙන්නේ. ඒ පනත සංශෝධනය කිරීමට කටයුතු කරමින් යනවා. ජනමාධ්‍ය අමාත්‍යංශයේ මුල් වෙලා ඊට පස්සේ අධිකරණ අමාත්‍යංශය සහ මහජන ආරක්ෂක අමාත්‍යංශය යන අමාත්‍යංශ තුන මූලික කරගෙන, දැන් අපි අමාත්‍ය මට්ටමේ සාකච්ඡා කිහිපයක් පැවැත්තුවා. ඒ වගේම මේකට සම්බන්ධ, මේකට උනන්දුවක් දක්වන හැම දෙනාගේම අදහස් විමසමින් ඉන්නවා මේ කාලය අටරතුර. ඒක තව ටික කාලයක් යද්දි අවසන් වේවි. එතනින් පස්සෙදි පුරවැසියාගේ පුද්ගලිකත්වය ආරක්ෂා වන, පුද්ගලයන් තොරතුර දැන ගැනීමේ අයිතියක් තහවුරු වෙන, මාධ්‍ය නිදහස ආරක්ෂා වෙන විදිහට තමයි මේ online Safety Bill එක ක්‍රියාත්මක කරන්න බලාපොරොත්තු වෙන්නේ…”
