වාලච්චේනිය සහ කොක්කඩිචෝලේ පොලිස් වසම්වල හඳුනාගත් පුරාවිද්‍යා ස්ථාන වෙත යන මාර්ගවල සවිකර තිබූ නාමපුවරු කිසියම් පිරිසක් විසින් ගලවා ඉවත් කර ඇති බවට පැමිණිලි ලැබී තිබෙන බවත් වැඩිදුර විමර්ශනය කර අධිකරණයට කරුණු වාර්තා කරන බව මහජන ආරක්ෂක අමාත්‍ය ආනන්ද විජේපාල පවසයි.
අමාත්‍යවරයා අවධාරණය කරන්නේ නීතිය රටේ කාටත් පොදු බව සහ පුරාවිද්‍යා දෙපාර්තමේන්තුව විසින් නඩත්තු කරන මෙම නාමපුවරු ඉවත් කිරීමෙන් ජාතිවාදී ප්‍රශ්නයක් ඇති කිරීමට ඇතැම් පිරිස් උත්සාහ කරන බවයි.
එමෙන්ම, අවශ්‍ය උපදෙස් පොලිසියට ලබා දී ඇති අතර, අධිකරණ තීන්දු අනුව සැකකරුවන් සහ අදාළ දේපළ අත්අඩංගුවට ගෙන නීතිය ක්‍රියාත්මක කිරීමට කටයුතු කරන බවද ඔහු සඳහන් කරයි.
අද (24) පාර්ලිමේන්තුවේ වාචික පිළිතුරු අපේක්ෂිත ප්‍රශ්න වාරය අතරතුර ස්ථාවර නියෝගවලට අනුව අදහස් දක්වමින් අමාත්‍යවරයා මේ බව කියා සිටියි.
නැගෙනහිර පළාතේ පුරාවිද්‍යා දෙපාර්මේන්තු විසින් සවිකරන ලද නාමපුවරු කීපයක් ඉවත් කිරීම සම්බන්ධයෙන් ගරු සභාවට පැහැදිලි කිරීමක් කරන්න අවශ්‍යයි. ගරු කථානායකතුමනි පුරාවිද්‍යා දෙපාර්මේන්තුවෙන් වාලච්චේනිය හා කෝක්කඩිතෝවල පොලිස් වසම්වල හඳුනාගත් පුරාවිද්‍යා ස්ථාන වලට ගමන් ගන්නා මාර්ග හඳුනා ගැනීම සඳහා සවිකර තිබූ නාම්පුවරු කීපයක් කිසියම් පිරිසක් විසින් ගලවා ඉවත් කර ඇති බවට වාලච්චනියි හා කොක්කඩිචෝඩේ පොලිස්ථාන වලට පැමිණී ලැබිලා තියෙනවා. වාලච්චේන පොලිස් වසමේ දේවි මලෙයි පුරා විද්‍යා ස්ථානට යන මාර්ගය හඳුනා ගැනීම සඳහා තික්කටිවේටි හන්දිය, පල්ලච්චේන, කොඩුක්කචේන සාරාවලියා යන ස්ථානවල පුරා විද්‍යා සලකුණු සහිත නාමපුරු හයක් 25/11/22 වෙනි දින ගලවා ඉවත් කර ඇති බවට කිරාන් පුරා විද්‍යා කාර්යාංශයේ කාර්යාලයේ සංවර්ධන නිලධාරී ලෙස රාජකාරි කරනු ලබන සිවලෝග කනන් සිලෝජනී යන අය විසින් 25/ 11/ 23වෙනි දින වාලච්චනය පොලිස් ස්ථානයට පැමිණිලක් කරලා තියෙනවා.
මෙම නාම්පුවරු වාලච්චේන ප්‍රාදේශ සභාවේ සභාපති සුදාකරන්, ලේකම් පත්මනීදන්, ප්‍රාදේශිය සභා මන්ත්‍රී ආනන්ද සිවරාසා හා සෙල්ලව නගර් , පුලිපකල් කිරාණ ලිපිනයේ පදිංචි සුන්දරලිංගම් යන අය විසින් ගලවා ඇති බවට පොලීසියට කරන ලද පැමිණිල්ලේ වැඩිදුරටත් සඳහන් වෙනවා. මේ අනුව මෙම සිද්ධියට අදාල 25/11/24 වෙනි දින වාලච්චේනිය ගරු අධිකරණයට කරුණු වාර්තා කර වැඩිදුර විමර්ශනය කර සැකකරුවන් සහ අදාළ දේපල අත්අඩංගුවට ගෙන අධිකරණයට ඉදිරිපත් කරන ලෙස මේ වෙනකොට පොලිස්පතිවරයා විසින් සහකාර පොලිස් අධිකාරී වලච්චේනිය මූලිකත්වයෙන් විමර්ශනයක් ආරම්භ කරලා තියෙනවා. කොක්කඩිචෝල පොලිස් වසමේ පුරාවිද්‍යා ස්ථානයක් ලෙස හඳුනාගත් සාන්තාම්මලයේ කෝවිලට පිවිසෙන මාර්ගය දැක්වෙන හතලිහවත්ත හන්දි හා සාන්තාමලයේ කෝවිලට හැරෙන හන්දියේ සවිකර තිබූ නාමපුවරු දෙකක් 25/11/20 වෙනි දින කිසියම් පිරිසක් විසින් ඉවත් කර ඇති බවට පට්ටිපොළ ප්‍රාදේශ ලේකම් කාර්යාලයේ පුරා විද්‍යා නිලධාරිය වශයෙන් කටයුතු කරන සුන්දර චන්ද්‍රකාන්තන් මහතා විසින් 25/11/ 23වෙනි දින කොක්කඩිචෝලේ පොලිස් ස්ථානය වෙත පැමිල්ලක් ඉදිරිපත් කරලා තියෙනවා. මෙම පුුවරු ඉවත් කිරීම සම්බන්ධයෙන් 25/11/24 දින එහෙනම් අද දින මඩකලපුව ගරු අධිකරණයට කරුණු වාර්තා කර මෙම නාමපුරු ගලවල ලද පුද්ගලෙන් හඳුනාගෙන අත්අඩංගුවට ගැනීම සඳහා පොලිස් අධිකාරි කලවන්චිකුඩි මූලිකත්වයෙන් විමර්ශනයක් ආරම්භ කර ඇති බව පොලිස්පතිවරයා මේ වෙනකොට දැනුම් දීලා තියෙනවා. ගරු කථානායකතුමනි නීතිය රටේ කාටත් පොදුයි. සමහර අය හිතාගෙන ඉන්නවා තම තමන්ට ප්‍රාන්ත රාජ්‍ය තියෙනව කියලා.එහෙම කටයුතු කරන්න කිසිදු හැකියාවක් නැහැ.
උතුරටත් දකුණටත් නැගෙනහිරටත් බටහිරටත් නීතිය කාටත් පොදුයි. ඒ හින්දා මේ වගේ ක්‍රියාමාර්ගන්න දෙන්න ඉඩකඩ තියන්න හැකියාවක් නැහැ. මොකද පුරාවිද්‍යා ස්ථාන සලකුණු කරන නාමපුරු දීර්ඝ කාලයක් තිස්සේ පුරා විද්‍යා දෙපාර්මේන්තුවෙන් පවත්වාගෙන යන ඒවා. මේක රජයේ නීතිය රජයට ඒ අනුව ශ්‍රී ලංකාවේ ඕනෑම තැනක නාමපුවරු භාවිතා කිරීමට හැකියාව තියෙනවා. ඒවා ගලවා ඉවත් කිරීමෙන් යම් ජාතිවාදී ප්‍රශ්නයක් ඇති කර ගැනීම සඳහා යම් යම් පිරිස් උත්සාහ කරන අවස්ථා අපි දැකලා තියෙනවා. ඒ හින්දා ජාතිවාදයට මේ සභාවට නිරන්තරයෙන් අපි ප්‍රකාශ කරන පරිදි ජාතිවාදයට කිසිම විදියක් නැහැ නීතිය හැමෝටම පොදුයි. උතුරටත් දකුණටත් නැගෙනහිරටත් බටහිරටත් ඒ හින්දා අපි අද උදෑසන අධිකරණයට පොලිසිය කරුණු වාර්තා කරනවා. අන්න එතකොට අධිකරණ තීන්දු අනුව ඒ භාණ්ඩ සහ අවශ්‍ය ව‍ෙ පුද්ගලයන් අත්අඩංගුවට ගෙන නීතිය ක්‍රියාත්මක කරන්න අවශ්‍ය උපදෙස් පොලීසියට ලබා දීලා තියෙනවා.
එමෙන්ම, අදාළ සිද්ධිය සම්බන්ධයෙන් විමර්ශනයක් සිදුවන බව ප්‍රකාශයක් සිදුකරමින් බුද්ධ ශාසන, ආගමික සහ සංස්කෘතික කටයුතු අමාත්‍ය මහාචාර්ය හිනිදුම සුනිල් සෙනවි මහතා ඊයේ (23) සඳහන් කළා.
මෙරට පුරාවිද්‍යා ස්ථාන දැකගැනීමට පැමිණෙන සංචාරකයින්ගේ පහසුව උදෙසා එම පුරාවිද්‍යා ස්ථාන පෙන්වන දිශා පුවරු සටහන් කිරීම පුරාවිද්‍යා දෙපාර්තමේන්තුව මගින් සිදුකරයි.
ඒ අනුව එම දෙපාර්තමේන්තුව මඩකලපුව දිස්ත්‍රික්කයේද එම පුවරු සවිකිරීම ආරම්භ කර තිබුණේ පසුගිය 03 වනදා සිටයි.
කෙසේ වෙතත්, වාලච්චේන ප්‍රාදේශීය සභාව මගින් එම පුවරු ගලවා ඉවත් කිරීමට පියවර ගෙන ඇතැයි වාර්තා වුණේ සිය ප්‍රාදේශීය සභාවේ අනුමැතියකින් තොරව එම පුවරු සවිකර ඇති බව පවසමිනි.
