දකුණු අන්දමන් මුහුදු ප්‍රදේශය ආසන්නව වර්ධනය වෙමින් පවතින අඩු පීඩන කාලාපය නිසා ඉදිරි දින කිහිපය තුළ දිවයිනේ උතුර ,උතුරුමැද ,නැගෙනහිර ,දකුණු ,ඌව සහ බස්නාහිර පළාත් වලට 200 mm ඉක්ම වූ වර්ෂාපතනයක් ඇති විය හැකි බව කාලගුණ විද්‍යා දෙපාර්තමේන්තුව නිවේදනය කර ඇත.
මේ වන විට ඇතිව තිබෙන වර්ෂාපතනය සමඟ ගංඟාවල ජලමට්ටම් ඉහළ මට්ටමක පවතින බැවින් ඉදිරියේ දී ඇතිවිය හැකි බවට පුරෝකථනය කරන වර්ෂාව සමඟ හදිසි වර්ෂාවක දී පවා ක්ෂණික ගංවතුර තත්ත්වයක් ඇති විය හැකි බව වාරි මාර්ග දෙපාර්තමේන්තුව තව දුරටත් පවසයි.
මේ අනුව අද (25) සිට එළඹෙන 30 දක්වා ගංවතුර අවදානමක් ඇතිවිය හැකි බැවින් ගංගාවල පහත් නිම්නයන්හි සිටින ජනතාව අවධානයෙන් කටයුතු කරන ලෙස සහ ගංවතුර සඳහා පූර්ව සූදානමින් සිටින ලෙස වාරිමාර්ග දෙපාර්තමේන්තුව ඉල්ලා සිටියි.
