තම දරුවාගේ පියා ක්‍රිකට් ක්‍රීඩක චාමික කරුණාරත්න බව පවසමින් මහේස්ත්‍රාත් අධිකරණයට නඩු කටයුත්තකට පැමිණි තරුණිය ‘ගුවන් සේවිකාවක්’ ලෙස වැරදි ලෙස හඳුන්වා දීම සම්බන්ධයෙන් ශ්‍රී ලංකා ගුවන් සේවිකාවන්ගේ සංගමය විසින් නිල ප්‍රකාශයක් නිකුත් කර තිබේ.
අදාළ තොරතුරු ප්‍රතික්ෂේප කරමින් එම සංගමය නිවේදනය මගින් සඳහන් කර ඇත්තේ, අදාළ තරුණිය කිසිදු ගුවන් සේවයක සේවය කරන ගුවන් සේවිකාවක් නොවන බවයි.
මාධ්‍ය විසින් අදාළ කාන්තාව ගුවන් සේවිකාවක් ලෙස වැරදි ලෙස හඳුනාගෙන ඇති බවට වාර්තා පළවීම සම්බන්ධයෙන් ශ්‍රී ලංකා ගුවන් සේවිකාවන්ගේ සංගමය සිය කනස්සල්ල පළ කර ඇත.
ඇයට එවැනි තනතුරක් ඇති බවට මෙම මාධ්‍ය මගින් පළ කිරීම මුළුමනින්ම පදනම් විරහිත, අසත්‍ය සහ නොමඟ යවන සුළු බව එම සංගමය අවධාරණය කර ඇති අතර මෙවැනි අසත්‍ය තොරතුරු පැතිරවීම අසාධාරණ ලෙස සංගමයේ සාමාජිකාවන් අපකීර්තියට පත් කරන බවත් සමස්ත වෘත්තියේම කීර්තිනාමයට හානි කරන බවත් ශ්‍රී ලංකා ගුවන් සේවිකාවන්ගේ සංගමය පවසයි.
කෙසේවෙතත් මෙම නිරවද්‍ය නොවන සඳහන් කිරීම් නිවැරදි කිරීමට පියවර ගන්නා ලෙස එම සංගමය විසින් මාධ්‍ය ආයතනවලින් සහ මහජනතාවගෙන් නිවේදනය මගින් ඉල්ලා සිටියි.
කෙසේවෙතත් අප කළ සොයාබැලීමේදී වාර්තා වූයේ රසිකා සේනාධීර නම් මෙම අගතියට පත් තරුණිය ගුවන් සේවිකාවක් නොව ගුවන් නියමුවරියක් බවයි.
මෙම වසරේ කාන්තා දිනයේදී ගෝලීය ගුවන් සේවා සන්ධානය සිය නිල ඉන්ටග්‍රෑම් පිටුවේ විවිධ රටවල්වල සේවය කරන ගුවන් සේවිකාවන්ගෙන් කාන්තා දින පණිවුඩය රැගත් වීඩියෝවක් නිකුත් කර තිබුණි.
එහි මෙරට නියෝජනය කරමින් ශ්‍රී ලංකන් ගුවන් සේවය වෙනුවෙන් අදහස් ඉදිරිපත් කර තිබුණේ සහයක ගුවන් නියමුවරියක් වූ රසිකා සේනාධීරයි.
ඇය ශ්‍රී ලංකන් ගුවන් සේවයේ ගුවන් නියමුවරියක් බව දැන දැනම හා ඇයද කාන්තාවක් බව දැන දැනම ඇයව අපහසුතාවයට පත්වන ආකාරයේ මෙවන් නිවේදනයක් පලකිරීම පුදුම සහගත වේ.
මේ අතර චාමික කරුණාරත්නගේ සිදුවීම සම්බන්ධයෙන් රසිකා සේනාධීරගේ සහෝදරිය වන නදීකා සේනාධීර සිය ෆේස්බුක් ගිණුම ඔස්සේ සටහනක් පළ කර තිබේ.
එම සටහන මගින් ඇය සඳහන් කර ඇත්තේ, බ්‍රිතාන්‍යයේ ස්ටැෆර්ඩ්ෂයර් (Staffordshire) විශ්ව විද්‍යාලයේ දෙවන වසරේ නීති ශිෂ්‍යාවක් ලෙස, තමන් මෙරට අධිකරණ පද්ධතිය පිළිබඳව විශාල විශ්වාසයක් තබා ඇති බවයි.
එමෙන්ම සිද්ධියට අදාළව පවතින නීතිමය ක්‍රියාදාමයක් පිළිබඳව මේ අවස්ථාවේදී අදහස් දැක්වීමට තමන්ට අවසර නොමැති බව ඇය සඳහන් කරයි.
“මගේ දේශීය අධිකරණ සංචාරවලදී, අපේ විනිසුරුවරුන්ගේ නිරවද්‍යභාවය, ස්වාධීනත්වය සහ අධිකරණ විචාර බුද්ධිය මම මුලින්ම දුටුවා. ඒ නිසා ශ්‍රී ලංකා අධිකරණ පද්ධතිය කෙරෙහි මට විශාල විශ්වාසයක් තිබෙනවා.”
නදීකා සේනාධීරද ශ්‍රී ලංකන් ගුවන් සේවයේ සහ කටාර් ගුවන් සේවයේ ගුවන් සේවිකාවක් ලෙස කලක් කටයුතු කර ඇත.
ශ්‍රී ලංකා ගුවන් සේවිකාවන්ගේ සංගමය නිකුත් කළ නිවේදනය පහතින්,
