පීඩාවට පත්ව සිටින ජනතාවට ආධාර බෙදාදීමට යෑමේ දී ප්රාදේශීය ලේකම් කාර්යාල දැනුවත් කර ඒ හරහා පරිත්යාග බෙදාහැරීමට අවස්ථාව සලසා ගන්නා ලෙස කොළඹ දිස්ත්රික් ලේකම්, ප්රසන්න ගිනිගේ ඉල්ලීමක් කරයි.
ඔහු වැඩිදුරටත් පවසා සිටියේ, පරිත්යාගශීලීන්ගේ ආරක්ෂාව තහවුරු කිරීම තම වගකීමක් වන බැවින් මෙන්ම ඍජුව ආධාර බෙදා හැරීමට යෑමේදී යම් අනතුරකට ලක්විය හැකි බැවින් මෙලෙස පරිත්යාගශීලින්ව දැනුවත් කරන බවයි.
මේ වනවිට ග්රාම නිලධාරී වසම් 397කට අයත් පවුල් 63,047ක පුද්ගලයින් 246,359ක් කොළඹ දිස්ත්රික්කය තුළ පීඩාවට පත්ව ඇති බව ද ඔහු සඳහන් කරයි.
එමෙන්ම පුද්ගලයින් තිදෙනෙකු ආපදා හේතුවෙන් මියගොස් ඇති අතර, තවත් පුද්ගලයින් දෙදෙනෙකු අතුරුදන්ව ඇති බව ද පැවසු දිස්ත්රික් ලේකම්වරයා මේ වනවිට නිවාස 6කට සම්පූර්ණ හානි සිදුව ඇති අතර තවත් නිවාස 1,187කට අර්ධ හානි සිදුව ඇතැයි ද පැවසීය.
මේ අතර, පුද්ගලයින් 20,000කට ආසන්න ප්රමාණයක් මේ වනවිට සුරක්ෂිත මධ්යස්ථානවල සිටින බව ද ප්රසන්න ගිනිගේ වැඩිදුරටත් කියා සිටියි.
