‘දිට්වා’ සුළි කුණාටුවේ බලපෑම ශ්රී ලංකාවෙන් මුළුමනින්ම පහව ගොස් ඇතත් එය ඇති කළ ආපදාවෙන් සිදුවූ මරණ ගණන 479 දක්වා තවදුරටත් ඉහළ ගොස් තිබේ.
ගංවතුර, නායයාම්වලින් අතුරුදන් පුද්ගලයන් සංඛ්යාව 350ක් බව ජාතික ආපදා කළමනාකරණ මධ්යස්ථානය අද පස්වරු 6ට නිකුත් කළ නිවේදනයේ දැක්වේ.
වැඩිම මරණ ගණන වන 118 මහනුවරින් වාර්තා වන අතර ඉන්පසුව වැඩිම මරණ නුවරඑළිය දිස්ත්රික්කයෙන් වාර්තාවන අතර එම සංඛ්යාව 89ක් වේ.
තවත් මරණ 83ක් බදුල්ලෙන් වාර්තා වන අතර කුරුණෑගලින් වාර්තා වන මරණ සංඛ්යාව 56කි. කොළඹ දිස්ත්රික්කයෙන් ද මරණ 5ක් වාර්තා වී ඇත.
මේ අතර රට පුරා සියලුම දිස්ත්රික්වල පවුල් 455,405කට අයත් ලක්ෂ 16කට අධික පිරිසක් පීඩාවට පත්ව තිබේ.
සුරක්ෂිත ස්ථාන 1347ක පවුල් 51765කට අයත් පුද්ගලයන් 188974 දෙනෙක් රඳවා සහන සලසන බවද එම වාර්තාවේ සදහන්ව ඇත.
ආපදාවෙන් මේ වනවිට නිවාස සහ ගොඩනැගිලි 1500කට අධික සංඛ්යාවකට හානි සිදුවී තිබේ.
