ජපානයේ ප්රබල භූකම්පනයක් හටගෙන ඇති බව විදෙස් මාධ්ය වාර්තා කරයි.
එය රික්ටර් මාපකයේ 7.6ක අගයකින් යුත් ප්රබල භූ කම්පන තත්ත්වයක් බවයි වාර්තා වන්නේ.
ජපානයේ උතුරු හා නැගෙනහිර ප්රදේශවල භූමිකම්පාව ඇති වූ අතර, හොක්කයිඩෝ, අමෝරි සහ ඉවාටේ ප්රාන්ත සඳහා සුනාමි අනතුරු ඇඟවීමක් නිකුත් කර තිබේ.
භූමිකම්පාවේ අපිකේන්ද්රය අමෝරි ප්රාන්තයේ වෙරළට කිලෝමීටර 80ක් ඔබ්බෙන්, කිලෝමීටර 50ක් ගැඹුරින් සිදු වූ බව වාර්තා වෙයි.
ජපාන කාලගුණ විද්යා ඒජන්සිය සඳහන් කර ඇත්තේ, ජපානයේ ඊසානදිග වෙරළ තීරයට මීටර් තුනක් උස සුනාමි රල ඇති විය හැකි බවයි..
එමෙන්ම මෙම භූ කම්පනයෙන් මේ වනවිට පුද්ගලයින් කිහිපදෙනෙකු තුවාල ලබා ඇති බව විදෙස් මාධ්ය වාර්තා කරයි.
ජපාන අගමැතිනි මේ සම්බන්ධයෙන් අදහස් දක්වමින් පවසා ඇත්තේ, සිදුව ඇති හානියේ තරම කඩිනමින් තක්සේරු කිරීම සඳහා රජය හදිසි කාර්ය සාධක බළකායක් පිහිට වූ බවයි.
එමෙන්ම ඇය මාධ්ය වෙත අදහස් දක්වමින් වැඩිදුරටත් පවසා ඇත්තේ, ජනතාවගේ ජීවිතවලට මුල් තැන දෙමින් ගත හැකි සෑම පියවරක්ම සිදුකරන බවයි.
මේ අතර භූ කම්පනයෙන් කලාපයේ න්යෂ්ටික බලාගාරවලට යම් බලපෑමක් සිදුව ඇති දැයි සොයා බැලීමට පරීක්ෂාවන් සිදු කරමින් සිටි බව විදෙස් මාධ්ය වාර්තා කරයි.
