බල්ගේරියාවේ රජයට එරෙහිව එල්ල වූ දැවැන්ත විරෝධතා හේතුවෙන් එරට රජය ඊයේ (11) නිල වශයෙන් ඉල්ලා අස්වී ඇති බව විදෙස් මාධ්ය වාර්තා කරයි.
ඔවුන් බලයට පැමිණ වසරකටත් අඩු කාලයක් තුළ මෙලෙස ඉල්ලා අස්වීම සුවිශේෂී සහගත වේ.
එරට ආර්ථික ප්රතිපත්ති සහ දූෂණය මැඩපැවැත්වීමට පාලක රජය අසමත් වීම හේතුවෙන් සති ගණනාවක සිට එරට ජනතාව මාර්ග තුළ රැඳී සිටිමින් දැවැන්ත විරෝධතාවක නිතර විය.
එහි ප්රතිඵලයක් ලෙස ඔවුන් මෙලෙස ඉල්ලා අස්වීම නිවේදනය කර තිබේ.
එමෙන්ම විශ්වාසභංග යෝජනාවක් සම්බන්ධයෙන් පාර්ලිමේන්තුවේ ඡන්දයක් පැවැත්වීමට නියමිතව තිබූ දිනට මිනිත්තු කිහිපයකට පෙර අගමැති රොසෙන් ෂෙලියාස්කොව් රූපවාහිනී දේශනයක් සිදුකරමින් මෙම ඉල්ලා අස්වීමේ තීරණය නිවේදනය කළේය.
“අපගේ සන්ධානය රැස්වුණා, වත්මන් තත්ත්වය, අප මුහුණ දෙන අභියෝග සහ අප වගකීමෙන් යුතුව ගත යුතු තීරණ පිළිබඳව අපි සාකච්ඡා කළා” ෂෙලියාස්කොව් රජය ඉල්ලා අස්වන බව තහවුරු කරමින් රූපවාහිනී නාලිකාවේ පැවසීය.
බල්ගේරියාව ජනවාරි 1 වනදා සිට යුරෝපා කලාපයට එක්වීමට සති තුනකටත් අඩු කාලයකට පෙර මෙලෙස ඉල්ලා අස්වීම තවත් විශේෂත්වයක් වේ.
විරෝධතාකරුවන්ගෙන් බොහෝ දෙනෙක් තරුණ, නාගරික වෘත්තිකයන් වන අතර, ඔවුන් බල්ගේරියාව යුරෝපා කලාපයට ඇතුළත්වීමට දැඩි ලෙස සහාය දක්වන්නන්ය.
2007 වසරේ දී යුරෝපීය සංගමයට එක් වූ බල්ගේරියාව එම සංගමයේ දුප්පත් සහ දූෂිතම රට ලෙස සැලකේ.
