ඇල්ල සංචාරක කලාපයට පැමිණෙන PickMe සහ Uber කුලී රථ රියදුරන්ට එරෙහි තර්ජනය කිරීම සහ පහරදීම පිළිබඳ විමර්ශනයක් ආරම්භ කර ඇති බව පොලීසිය නිවේදනය කරයි.
පොලිසිය සඳහන් කළේ, කුලී රථ සේවාවල රියදුරන් ඇල්ල සංචාරක කලාපයට ඇතුළු වන විට, එම ප්රදේශයේ කුලී රථ රියදුරන් විසින් ඔවුන්ට තර්ජනය කර පහරදුන් බවට පැමිණිලි ලැබී ඇති බවයි.
සමාජ මාධ්ය ඔස්සේ සංසරණය වූ වීඩියෝ පටයේ, පොලිස් නිලධාරීන් දෙදෙනාගේ හැසිරීම සම්බන්ධයෙන්ද පැමිණිල්ලක් ලැබී ඇති අතර, ජ්යෙෂ්ඨ පොලිස් නිලධාරීන්ගේ උපදෙස් යටතේ පරීක්ෂණයක් පවත්වා ඇති බවද පොලීසිය පෙන්වා දෙයි.
එම නිලධාරීන් දෙදෙනා වහාම ක්රියාත්මක වන පරිදි ස්ථාන මාරු කර යවා ඇති අතර, විමර්ශන වැඩිදුරටත් සිදු කරමින් පවතී.
