ඉරානයේ රාජ්ය විරෝධී උද්ඝෝෂකයින් අමෙරිකානු ජනාධිපති ඩොනල්ඩ් ට්රම්ප් සතුටු කිරීමට උත්සහ කරන කරදරකාරයින් පිරිසක් බව ඉරාන අධ්යාත්මික නායක අයතුල්ලා අල් කමේනි පවසයි.
ඉස්ලාමීජය ජනරජය බලයට පත්වූයේ ගෞරවනීය පුද්ගලයින් ලක්ෂ ගණනකගේ රුධිරයෙන් බවට සියලුදෙනා දැන ගත යුතු අතර එය ප්රතික්ෂේප කරන පිරිස් ඉදිරියේ පසුබට වීමට සිය රජය සූදානම් නොමැති බව ඔහු පවසා තිබේ.
එරට රූපවාහිනිය ඔස්සේ ප්රකාශයක් සිදුකරමින් ඉරාන අධ්යාත්මික නායක අයතුල්ලා අල්කමේනි මේ බව සඳහන් කර ඇති බව වාර්තා වේ.
ජීවන වියදම ඉහළ යාම ඇතුළු කරුණු කිහිපයක් මුල් කරගනිමින් ඉරානයේ ආරම්භ වූ රාජ්ය විරෝධී උද්ඝෝෂණ 13 වන දිනටත් අද දිනයේ ක්රියාත්මක වන අතර විරෝධතාකරුවන් 48 දෙනෙකු සහ ආරක්ෂක අංශ සාමාජිකයින් 13 දෙනෙකු විරෝධතා අතරතුර මියගොස් ඇති බව සඳහන් වේ.
මේ වන විට එරට තුළ අන්තර්ජාල සබඳතා අත්හිටුවා ඇති බව ද විදෙස් මාධ්ය වාර්තා කරයි.
මේ අතර ඉරානයේ පවතින තත්ත්වය පිළිබඳව විමසිල්ලෙන් පසුවන බව අමෙරිකානු ජනාධිපති ඩොනල්ඩ් ට්රම්ප් ප්රකාශ කර ඇත.
