බදුල්ල දිස්ත්රික් කම්කරු කාර්යාලයට අද (14) උදෑසන ලද විද්යුත් තැපැල් පණිවුඩයක් මඟින් කාර්යාල පරිශ්රයේ බෝම්බයක් ඇති බවට සඳහන් වීමත් සමඟ එහි කාර්ය මණ්ඩලය ඉවත් කරන ලෙසට බලධාරීන් දැනුම්දී ඇති බව වාර්තා වේ.
මේ පිළිබඳව බදුල්ල දිස්ත්රික් සහකාර කම්කරු කොමසාරිස් සුජාතා කුමාරිගෙන් කළ වීමසිමේදී ඇය පවසා සිටියේ, අද උදෑසන පෙරවරු 9.24ට පමණ බෝම්බයක් කාර්යාල සංකිර්ණය තුළ ඇති බැවින් එහි කාර්ය මණ්ඩලය ඉවත් කිරීමට කටයුතු කරන ලෙස දන්වා කාර්යාලයේ විද්යුත් තැපෑලට පණිවුඩයක් ලැබී තිබුණු බවයි.
ඒ අනුව මේ පිළිබඳව බදුල්ල මූලස්ථාන පොලිස් ස්ථානය හා කම්කරු දෙපාර්තමේන්තුවේ කොළඹ දෙපාර්තමේන්තුව දැනුවත් කිරීමට කටයුතු කළ බව ද ඇය වැඩිදුරටත් සඳහන් කළාය.
