මරදමුනේ ප්රදේශයේ ව්යාපාරිකයෙකුගේ දියණියගේ උප්පැන්න සහතිකය ලියාපදිංචි කරගැනීමට ගිය අවස්තාවේදී රු.1000/- ක මුදලක් අල්ලස් ලෙස ඉල්ලා ඉන් රු.500/- ක් එදින ලබාගෙන සහතිකය ලබාගන්නා දින ඉතිරි රුපියල් 500ක මුදල ලබාගන්නා අවස්තාවේදී ආලයඩිවෙම්බු ප්රාදේශීය ලේකම් කාර්යාලයේ වැඩ බලන උප්පැන්න හා මරණ රෙජිස්ට්රාර්වරියක අත් අඩංගුවට ගෙන තිබේ.
සැකකාරියගේ නිවසේ පවත්වා ගෙන යනු ලබන උප්පැන්න හා මරණ රෙජිස්ට්රාර් කාර්යාලය තුළ දී අල්ලස් හෝ දුෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් ඇයව මෙලෙස අත් අඩංගුවට ගත් බව වාර්තා වේ.
අත්අඩංගුවට ගත් සැකකාරිය අක්කරෛපත්තුව මහේස්ත්රාත් අධිකරණය වෙත ඉදිරිපත් කිරීමට නියමිතයි
