මෙරට ජනතාවට ලිංගික අධ්යාපනය කිසිසේත් අවශ්ය නොවන බව කෝට්ටේ ශ්රී කල්යාණි සාමාග්රී ධර්ම සභාවේ මහා සංඝ සභාවේ අනුනායක මහාචාර්ය කොටපිටියේ රාහුල හිමි පවසයි.
සංඝ සම්මේලනය නමින් අද (20) පැවති රැස්වීමට සහභාගීවී රැස්ව සිටි මහාසංඝරත්නය අමතමින් උන්වහන්සේ මෙම අදහස් පලකර තිබේ.
මෙරට පැරැන්නන් හොඳ විවාහ ජීවිතයක් ගතකළ බවත්, දරුවන් 10ක් 15 ක් ඇති කළ බවත් පෙන්වාදෙන මහාචාර්ය හිමියන් පවසන්නේ එම කටයුතු අවශ්ය ආකාරයෙන් ගුප්තභාවය රැකගනිමින් සංවරව සිදුකළ බවයි.
ලිංගික අධ්යාපනය යනු ‘මොන කෙහෙල්මලක්දැයි’ ප්රශ්න කරන රාහුල හිමිපාණන් “අපට ලිංගික අධ්යාපනයක් අවශ්ය නොවන බවද මෙහිදී රැස්ව සිටි පිරිස අමතමින් වදාරා තිබේ.
සංවරශීලී ඉතිහාසයකට මෙරට හිමිකම් කියන බව පෙන්වා දෙමින් කොටපිටියේ රාහුල හිමියන් පෙන්වා දෙන්නේ ඊට අදාළ සාක්ෂි රොබට් නොක්ස්ගේ පොතපතෙහිද සදහන් වන බවයි.
මෙරටට දුම්රිය පෙට්ටි ප්රථම වරට රැගෙන විත් ඒවා දුම්රිය මාර්ගයෙහි ගමන්ගන්නා අයුරු දැකබලාගැනීමට දුම්රිය මඟ දෙපස ජනතාව රැස්ව සිටියදී එහි එක් ක්රියාකාරීත්වයක් දැක එහි සිටි දැරියන්ගේ මවුවරුන් සිය දැරියන්ගේ දෑස් වැසූ බව මහාචාර්ය හිමියන් පෙන්වා දෙයි.
දුම්රිය ධාවනය වන විට දර්ශනය වූයේ කිසියම් ලිංගික කටයුතුතක් නොවන නමුත් එම යාන්ත්රික ක්රියාවලිය අප්රසන්න බැවින් සංවරශීලි අතීත මවුවරුන් එලෙස ප්රතිචාර දැක්වූ බව උන්වහන්සේ වැඩිදුරටත් සඳහන් කර තිබේ.
