අකුරේගොඩ ප්රදේශයේදී නීතිඥවරයෙකු සහ ඔහුගේ බිරිඳ වෙඩි තබා ඝාතනය කිරීමේ සිද්ධියට සම්බන්ධ වෙඩික්කරුවෙකුට ප්රවාහන පහසුකම් සැපයූ බවට සැකකෙරෙන පුද්ගලයින් සිව්දෙනෙකු පොලිසිය විසින් අත්අඩංගුවට ගෙන තිබේ.
අත්අඩංගුවට ගත් පිරිසට පිරිමින් දෙදෙනෙකු සහ කාන්තාවන් දෙදෙනෙකු ඇතුළත් වන බව පොලිසිය සඳහන් කරයි.
මෙම අත්අඩංගුවට ගැනීම සිදු කර ඇත්තේ ගාල්ල, කහදූව ප්රදේශයේදී වන අතර අදාළ අපරාධය සඳහා ආධාර අනුබල දීමට යොදාගත් බවට සැකකෙරෙන වාහන දෙකක් ද පොලිසිය විසින් සිය භාරයට ගෙන තිබේ.
