මෙක්සිකෝවේ Jalisco New Generation Cartel (CJNG) නම් දරුණු අපරාධ කල්ලියක නායකයා වූ නෙමේසියෝ රූබෙන් ඔසේගේරා සර්වෙන්ටස් (El Mencho) ඇමරිකා එක්සත් ජනපදය සහභාගී වූ විශේෂ මෙහෙයුමකදී ඝාතනය වීමත් සමඟ අපරාධ කල්ලි සාමාජිකයින් දරුණු ලෙස හැසිරීමට පටන් ගෙන ඇති බව විදෙස් මාධ්ය වාර්තා කරයි.
මෙම මෙහෙයුම ජාලිස්කෝ පලාතේ ටාපල්පා නගරයේදී සිදු කෙරුණි.
මෙම වැටලීම පුළුල් ප්රචණ්ඩත්වයක් ඇති කළ අතර අපරාධ කල්ලි සාමාජිකයින් වාහන ගිනි තැබීම, මහාමාර්ග අවහිර කිරීම සහ මිචෝකාන්, ගුවානජුවාටෝ සහ ජාලිස්කෝ අගනුවර ඇතුළු ප්රදේශ ගණනාවකදී ආරක්ෂක අංශ සමඟ ගැටුම් ඇති කරගත් බවට වාර්තා වේ.
CJNG කල්ලිය මෙක්සිකෝවේ වඩාත් බලවත් සහ අතිශය ප්රචණ්ඩ මත්ද්රව්ය කල්ලිවලින් එකක් ලෙස සැලකෙයි.
ජාලිස්කෝ හි ආරක්ෂක මෙහෙයුමකදී මත්ද්රව්ය ජාවාරම්කරුවෙකු වූ El Mencho ඝාතනය කිරීමෙන් පසු ඇති වූ ප්රචණ්ඩකාරී නොසන්සුන්තාවයෙන් පසුව, එක්සත් ජනපද සහ කැනේඩියානු ගුවන් සමාගම් කිහිපයක් මෙක්සිකෝවේ සමහර ප්රදේශවලට ගුවන් ගමන් අවලංගු කර ඇති බව ද ඒ අතර වාර්තා වේ.
El Mencho ඝාතනය කිරීම “මෙක්සිකෝවට, ඇමරිකා එක්සත් ජනපදයට, ලතින් ඇමරිකාවට සහ ලෝකයට විශාල වර්ධනයක්” බව පවසමින් එක්සත් ජනපදය ද මේ වන විට ප්රශංසා නිකුත් කර තිබේ
