යුධමය වාතාවරණය හේතුවෙන් උද්ගතව ඇති තෙල් අර්බුදය හමුවේ ගුවන් සේවාව අඛණ්ඩව පවත්වාගෙන යාම සඳහා ගත යුතු ක්රියාමාර්ග පිළිබඳව විශේෂ සාකච්ඡාවක් අද (17) පැවැත්වුණි. වරාය හා සිවිල් ගුවන්සේවා නියෝජ්ය අමාත්ය ජනිත රුවන් කොඩිතුවක්කු මහතාගේ ප්රධානත්වයෙන් මෙම සාකච්ඡාව සිවිල් ගුවන්සේවා අධිකාරිය පරිශ්රයේදී පැවැත්වුණු අතර, වරාය හා සිවිල් ගුවන්සේවා අමාත්යාංශ ලේකම් ඩබ්.ඩබ්.එස්. මංගල මහතා, සිවිල් ගුවන්සේවා අධිකාරියේ සභාපති සහ අධ්යක්ෂ ජනරාල් ඇතුළු කළමනාකාරීත්වය හා අමාත්යාංශ නිලධාරීන් රැසක් ද සහභාගී වූහ.
මෙහිදී වත්මන් ගුවන්යානා ඉන්ධන සංචිත ප්රමාණය සහ එය කාර්යක්ෂමව කළමනාකරණය කිරීම පිළිබඳව දීර්ඝ ලෙස සාකච්ඡා කෙරුණු අතර, අඛණ්ඩ ගුවන් සේවාව පවත්වාගෙන යාම සඳහා අවශ්ය ඉදිරි ක්රියාමාර්ග පිළිබඳවද අවධානය යොමු විය.
එමෙන්ම, වත්මන් අභියෝගාත්මක තත්ත්වය හමුවේ සිවිල් ගුවන්සේවා අධිකාරිය ලෙස ඉන්ධන භාවිතය නිසි ලෙස කළමනාකරණය කරමින් සේවාව අඛණ්ඩව පවත්වාගෙන යාම සඳහා ක්රියා කළ යුතු ආකාරය පිළිබඳවද සාකච්ඡා කෙරිණි.
