අමෙරිකානු ජාතික ත්රස්ත මර්දන මධ්යස්ථානයේ අධ්යක්ෂ ජෝසප් කෙන්ට් එම ධුරයෙන් ඉල්ලා අස්වී තිබෙනවා. ජනාධිපති ඩොනල්ඩ් ට්රම්ප් වෙත යොමු කළ සිය ඉල්ලා අස්වීමේ ලිපිය මඟින් වත්මන් ඉරාන යුද්ධය පිටුපස ඇති කුමන්ත්රණකාරී ස්වභාවය පිළිබඳව තවදුරටත් කරුණු හෙළිකර ඇති බව විදෙස් වාර්තා සඳහන් කළා.
ඩොනල්ඩ් ට්රම්ප්ගේ පළමු ධුර කාලය තුළදී, නිමාවක් නොමැති යුද්ධවලට අමෙරිකාව පටලවා නොගෙන මිලිටරි බලය තීරණාත්මක ලෙස භාවිතා කරන්නේ කෙසේද යන්න පිළිබඳව ඔහුට මනා අවබෝධයක් තිබූ බව කෙන්ට් පෙන්වා දී තිබෙනවා. කෙසේ වෙතත්, ට්රම්ප්ගේ දෙවන ධුර කාලය ආරම්භයේදීම උසස් ඊශ්රායල නිලධාරීන් සහ අමෙරිකානු මාධ්යවල සිටින බලගතු පිරිස් එක්ව ඉතා සූක්ෂ්ම ලෙස වැරදි තොරතුරු ප්රචාරය කිරීමේ ව්යාපාරයක් ක්රියාත්මක කළ බවට ඔහු චෝදනා කරනවා .
එමඟින් ට්රම්ප්ගේ පළමුව අමෙරිකානු ප්රතිපත්තිය සම්පූර්ණයෙන්ම යටපත් කර, ඉරානය සමඟ යුද්ධයකට අවශ්ය වටපිටාව සකස් කළ බව ඔහු පවසනවා. එම ලිපියේ දැක්වෙන්නේ ඉරානයෙන් අමෙරිකාවට ක්ෂණික තර්ජනයක් පවතින බවටත්, දැන්ම ප්රහාර එල්ල කළහොත් ඉතා ඉක්මන් ජයග්රහණයක් කරා යා හැකි බවටත් ට්රම්ප්ව මුළා කර ඇති බවය.
මෙය අතීතයේදී ඉරාක යුද්ධයට අමෙරිකාව පටලවා ගැනීම සඳහා ඊශ්රායල භාවිතා කළ උපක්රමයක් බවද ජෝ කෙන්ට් සිය ලිපිය මඟින් දැඩිව අවධාරණය කර ඇති බව සඳහන්. 45 හැවිරිදි කෙන්ට්, එක්සත් ජනපද විශේෂ බලකායේ සහ CIA ප්රවීණයෙක් ද වනවා. හමුදා සාමාජිකාවක වූ ඔහුගේ බිරිඳ ෂැනන් කෙන්ට් 2019 දී සිරියාවේ සිදු වූ මරාගෙන මැරෙන බෝම්බ ප්රහාරයකින් මිය ගොස් ඇති බවඳ සඳහන්.
