සිංහල ගීත වංශයේ නාදේශ්වරිය ලෙස ගෞරවයට පාත්ර වූ ප්රවීණ ගායන ශිල්පිනී ආචාර්ය සුජාතා අත්තනායක මහත්මියගේ දශක හතකට අධික කාලයක් පුරා ශ්රී ලාංකේය සංගීත ක්ෂේත්රයට සහ ශ්රී ලංකා ගුවන් විදුලි සංස්ථාවට සිදු කළ අමිල මෙහෙවර ඇගයීම වෙනුවෙන් “ප්රණාම හරසර” නමින් විශේෂ ප්රණාම උපහාර උළෙලක් අද (ජූලි 28) ශ්රී ලංකා ගුවන්විදුලි සංස්ථා පරිශ්රයේදී අභිමානවත් අයුරින් පැවැත්විණි.
අග්රාමාත්ය ආචාර්ය හරිනි අමරසූරියගේ ප්රධානත්වයෙන් පැවති මෙම උත්සවයට සම්භාවනීය ආරාධිතයින්, කලාකරුවන් සහ ගුවන් විදුලි සංස්ථාවේ නිලධාරීහු රැසක් එක්ව සිටියහ.
උළෙලේදී ආචාර්ය සුජාතා අත්තනායක මහත්මියගේ සංගීත දිවියට සහ ගුවන් විදුලි සංස්ථාව සමඟ ඇති වූ දීර්ඝ සබඳතාවට ගෞරවයක් ලෙස, ඇය වෙනුවෙන් සකස් කළ විශේෂ ඡායාරූපයක් ද විවෘත කරනු ලැබීය.
උත්සවයේ විශේෂ අවස්ථාවක් ලෙස, ජීවිතයේ එක්වරක් පමණක් පිරිනමන ගෞරව සම්මානය ආචාර්ය සුජාතා අත්තනායක මහත්මිය වෙත අග්රාමාත්යවරියගේ සුරතින් පිරිනැමුණු අතර, එම අවස්ථාව වඩාත් වර්ණවත් කරමින් ඇය විසින් ගීතයක් ද ගායනා කළාය.
සිය ජීවිත කාලය පුරාම මෙරට සංගීත ක්ෂේත්රය පොහොසත් කළ ආචාර්ය සුජාතා අත්තනායක මහත්මියගේ අමිල සේවය ඇගයීම මෙම උපහාර උළෙලේ ප්රධාන අරමුණ විය.
