ත්රස්තවාදය වැළැක්වීමේ පනත යටතේ අත්අඩංගුවට ගෙන සිටින හිටපු රාජ්ය අමාත්ය සිවනේසතුරෙයි චන්ද්රකාන්තන් හෙවත් පිල්ලෙයාන් අගෝස්තු 18 දක්වා යළි රක්ෂිත බන්ධනාගාරගත කිරීමට මඩකලපුව මහේස්ත්රාත් අධිකරණය නියෝග කර තිබේ.
අද (04) මඩකලපුව මහේස්ත්රාත් ඒ. දර්ශිනි ඉදිරියේ වීඩියෝ තාක්ෂණය ඔස්සේ ඔහු අධිකරණයට ඉදිරිපත් කර ඇති අතර, 2008 වසරේ මඩකලපුව දිස්ත්රික්කයේ සිදුවූ මිනීමැරුම් පහක් සම්බන්ධ නඩුවේ තුන්වන සැකකරු ලෙස ඔහු නම් කර ඇත.
කල්ලඩි ප්රදේශයේ මිනීමැරුම් පහක් සහ ඉඩම් ආරවුලකට අදාළ චෝදනා තුනක් සම්බන්ධයෙන් අපරාධ පරීක්ෂණ දෙපාර්තමේන්තුව ඔහුට එරෙහිව නඩු පවරා තිබේ.
