දිවයින වටා මුහුදු ප්රදේශවල පවතින සක්රීය කාලගුණික තත්ත්වය හේතුවෙන් තද සුළං සහ මුහුද රළු වීම සම්බන්ධයෙන් කාලගුණ විද්යා දෙපාර්තමේන්තුව විසින් රතු නිවේදනයක් නිකුත් කර තිබේ.
අද (10) පෙරවරු 7.00 සිට හෙට (11) පෙරවරු 7.00 දක්වා පැය 24ක කාලයක් සඳහා මෙම අනතුරු ඇඟවීම බලපැවැත්වේ.
ඒ අනුව මාතර සිට හම්බන්තොට හරහා පොතුවිල් දක්වා වෙරළට ඔබ්බෙන් වූ මුහුදු ප්රදේශවල සුළඟේ වේගය විටින් විට පැයට කිලෝමීටර් 60 ඉක්මවා යා හැකි අතර, එම මුහුදු ප්රදේශ ඉතා රළු විය හැකි බව කාලගුණ විද්යා දෙපාර්තමේන්තුව පවසයි.
එබැවින් නැවත දැනුම් දෙන තුරු එම මුහුදු ප්රදේශවලට යාත්රා කිරීමෙන් වළකින ලෙස ධීවර හා නාවික ප්රජාව වෙත දැනුම් දී තිබේ.
මේ අතර, මඩකලපුව සිට ත්රිකුණාමලය, කන්කසන්තුරය සහ මන්නාරම හරහා හලාවත දක්වාත්, ගාල්ල සිට මාතර දක්වාත් වෙරළට ඔබ්බෙන් වූ මුහුදු ප්රදේශවල සුළඟේ වේගය විටින් විට පැයට කිලෝමීටර් 50 දක්වා ඉහළ යා හැකි අතර, එම මුහුදු ප්රදේශ රළු විය හැකි බවද සඳහන් කර ඇත.
ගිගුරුම් සහිත වැසි ඇතිවන අවස්ථාවලදී තාවකාලිකව තද සුළං ඇති විය හැකි අතර, එම අවස්ථාවලදී මුහුද ඉතා රළු වීමේ අවදානමක්ද පවතින බව කාලගුණ විද්යා දෙපාර්තමේන්තුව පෙන්වා දෙයි.
මේ හේතුවෙන් අදාළ මුහුදු ප්රදේශවල ධීවර හා නාවික කටයුතුවල නිරත පිරිස් වැඩි අවධානයකින් කටයුතු කරන ලෙසත්, ඉදිරියේදී නිකුත් කෙරෙන කාලගුණ නිවේදන පිළිබඳ නිරන්තර අවධානයෙන් පසුවන ලෙසත් කාලගුණ විද්යා දෙපාර්තමේන්තුව වැඩිදුරටත් දැනුම් දෙයි.
