පසුගිය අගෝස්තු 26 සහ 27 යන නිවාඩු දින දෙක තුළ අධිවේගී මාර්ග පද්ධතිය භාවිත කළ වාහනවලින් රුපියල් දොළොස් කෝටි හතළිස් පස් ලක්ෂයකට අධික ආදායමක් උපයා ගැනීමට හැකි වූ බව මාර්ග සංවර්ධන අධිකාරිය පවසයි.
එම දින දෙක ඇතුළත සමස්ත අධිවේගී මාර්ග පද්ධතිය ඔස්සේ ධාවනය වී ඇති මුළු වාහන සංඛ්යාව 325,316කි.
ඉන් අගෝස්තු 26 වනදා වාහන 163,763ල් ධාවනය වී ඇති අතර, එදින උපයා ඇති ආදායම රුපියල් 60,409,995කි.
ඊට අමතරව, අගෝස්තු 27 වනදා වාහන 161,553ක් අධිවේගී මාර්ග භාවිත කර ඇති අතර, එමගින් රුපියල් 64,164,930ක ආදායමක් වාර්තා වී තිබේ.
මෙම නිවාඩු දින දෙක තුළ වැඩිම වාහන සංඛ්යාවක් ධාවනය වී ඇත්තේ දක්ෂිණ අධිවේගී මාර්ගය (E01) සහ පිටත වටරවුම් අධිවේගී මාර්ගය (E02) ඔස්සේ බව ද මාර්ග සංවර්ධන අධිකාරිය වැඩිදුරටත් සඳහන් කරයි.
