අත්අඩංගුවට ගැනීමට වරෙන්තු නිකුත් කර තිබූ හිටපු අමාත්ය විමල් වීරවංශ මහතා මීට ටික වේලාවකට පෙර කොළඹ ප්රධාන මහේස්ත්රාත් අධිකරණය හමුවේ පෙනී සිටියේය.
තමන්ගේ සේවාදායකයා ගමන් කළ වාහනයේ ඇති වූ කාර්මික දෝෂයක් නිසා අධිකරණයට පැමිණීම ප්රමාද වූ බවත්, ඒ අනුව නිකුත් කළ වරෙන්තුව ආපසු කැඳවන ලෙසත් විමල් වීරවංශ මහතා වෙනුවෙන් පෙනී සිටි නීතිඥ මංජුල පතිරාජ මහතා මෙහිදී අධිකරණයෙන් ඉල්ලා සිටියේය.
කෙසේ වෙතත්, එම ඉල්ලීම හෙට (22) දිනයේදී මෝසමක් මාර්ගයෙන් ඉදිරිපත් කිරීමට පියවර ගන්නා ලෙස කොළඹ ප්රධාන මහේස්ත්රාත් අසංග එස්. බෝදරගම මහතා නියෝග කළේය.
