ඉදිරි සැප්තැම්බර් 22 සහ 23 දෙදින පාර්ලිමේන්තු න්යාය පත්රයේ විශේෂ වෙනස්කම් කිහිපයක් සිදුකිරීමට පියවර ගෙන තිබේ. පාර්ලිමේන්තු මහ ලේකම්වරිය සඳහන් කරන්නේ සැප්තැම්බර් 24 සහ 25 යන දිනවල කටයුතු සාමාන්ය පරිදි සිදුවන බවයි.
මෙම වෙනස්කම් අතර ප්රමුඛතාව හිමිව ඇත්තේ මහජනතාවට විදුලි සහන සැලසීම සඳහා වන රුපියල් මිලියන 17,213ක පරිපූරක ඇස්තමේන්තුවට වන අතර එය සැප්තැම්බර් 22 දින පාර්ලිමේන්තුවට ඉදිරිපත් කර 23 වනදා අනුමත කරගැනීමට නියමිත අතර, ඒ සඳහා ප්රතිපාදන සපයා ගැනීමට සැලසුම් කර ඇත්තේ 2026 වසරේ රේඛීය අමාත්යාංශවල උපයෝජනය නොවූ අතිරික්ත මුදල්වලින් බව සඳහන් කළ හැක.
මීට අමතරව, සැප්තැම්බර් 22 දිනට නියමිතව තිබූ “අපනයන කෘෂිකර්මාන්තය ප්රවර්ධන පනත් කෙටුම්පතේ” දෙවැනි වර කියවීම 23 වනදා දක්වා කල්දමා ඇත.
එමෙන්ම, සැප්තැම්බර් 23 වනදා ඉදිරිපත් කිරීමට තිබූ “ශ්රී ලංකා වරලත් මාධ්ය වෘත්තිකයන්ගේ ආයතනය පනත් කෙටුම්පත” එදින ඉදිරිපත් නොකිරීමට ද තීරණය කර තිබෙන බවයි.
