ඌව සහ නැගෙනහිර පළාත්වලට මෙන් ම මුලතිව් සහ පොළොන්නරුව යන දිස්ත්රික්ක සඳහා ප්රබල අකුණු පිළිබඳ අවවාදාත්මක නිවේදනයක් කාලගුණ විද්යා දෙපාර්තමේන්තුව මගින් නිකුත් කර ඇත. අද (28) පෙරවරු 11.30ට ප්රකාශයට පත් කළ මෙම විශේෂ නිවේදනය අද රාත්රී 11.30 දක්වා සක්රියව පවතිනු ඇත.
අදාළ ප්රදේශයන්හි සවස් කාලයේ හෝ රාත්රී කාලයේ දී තැනින් තැන ගිගුරුම් සහිත වැසි සමගින් ප්රබල අකුණු ඇතිවීමේ ඉහළ සම්භාවිතාවක් පවතින බව කාලගුණ විද්යා දෙපාර්තමේන්තුව පෙන්වා දෙයි. එසේම ගිගුරුම් සහිත වැසි වර්ධනය වන අවස්ථාවල දී එම ප්රදේශවල තාවකාලිකව තද සුළං තත්ත්වයක් ද ඇතිවිය හැකිය.
එබැවින් අකුණු අනතුරු හේතුවෙන් සිදුවිය හැකි හානි හා අනතුරු අවම කර ගැනීමට අවශ්ය සියලු ආරක්ෂිත පියවර ගන්නා ලෙස කාලගුණ විද්යා දෙපාර්තමේන්තුව ජනතාවගෙන් වැඩිදුරටත් ඉල්ලා සිටී.
