හිටපු ජනාධිපති රනිල් වික්රමසිංහ මහතාට සහ ඔහුගේ හිටපු ජනාධිපති ලේකම් සමන් ඒකනායක මහතාට එරෙහිව පොදු දේපොළ පනත යටතේ පවරා ඇති නඩුව අද (30) කොළඹ කොටුව මහේස්ත්රාත් අධිකරණයේදී නැවත කැඳවීමට නියමිතව තිබේ.
රාජ්ය මුදල් අවභාවිත කිරීමේ චෝදනාව මත මෙම නඩුව පවරා ඇති අතර, ඊට අදාළ විමර්ශන කටයුතු අවසන් කර නීතිපතිවරයා වෙත උද්ධෘත යොමු කර ඇති බව අපරාධ පරීක්ෂණ දෙපාර්තමේන්තුව මීට පෙර අධිකරණය හමුවේ ප්රකාශ කර තිබුණි. ඒ අනුව, සිද්ධිය සම්බන්ධයෙන් නීතිපතිවරයාගේ ඉදිරි ස්ථාවරය අධිකරණයට දැනුම් දීම සඳහා මෙලෙස අද දින නඩුව කැඳවීමට කොළඹ කොටුව මහේස්ත්රාත් පසන් අමරසේන මහතා නියෝග කළේය.
