හිටපු ජනාධිපති මහින්ද රාජපක්ෂ මහතා හදිසියේ ඇති වූ හෘද රෝගී තත්ත්වයක් හේතුවෙන් කොළඹ නවලෝක රෝහලේ දැඩි සත්කාර ඒකකයට ඇතුළත් කර ඇති බවට ශ්‍රී ලංකා පොදුජන පෙරමුණට සම්බන්ධ ආරංචි මාර්ග සඳහන් කරයි.
පසුගිය දින කිහිපය තුළ වෛද්‍ය පරීක්ෂණ රැසකට මුහුණ දී ඇති මහින්ද රාජපක්ෂ මහතා, අද දිනයේදී ශිරන්ති රාජපක්ෂ මහත්මිය සහ නාමල් රාජපක්ෂ මන්ත්‍රීවරයා හමුවීම සඳහා වැලිකඩ බන්ධනාගාරය වෙත යාමට ද සැලසුම් කර තිබූ බව වාර්තා වේ.
මේ අතර, ඔහුගේ සෞඛ්‍ය තත්ත්වය සම්බන්ධයෙන් අවධානය යොමු කරමින් ප්‍රධාන පෙළේ විශේෂඥ වෛද්‍යවරුන් කිහිපදෙනෙකු ප්‍රතිකාර කටයුතුවල නිරතව සිටින බව ද වැඩිදුරටත් සඳහන් වේ.
