අධික ණය බරින් සිත්තැවුලට ගාල්ල ප්‍රදේශයේ මව විසින් වස බොන ලද දරුවන් දෙදෙනාගෙන් වයස අවුරුදු 05 වියේ පසු වූ පිරිමි දරුවා ඊයේ (01) අලුයම කොළඹ රිජ්වේ ආර්යා ළමා රෝහලේ දැඩි සත්කාර ඒකකයේ ප්‍රතිකාර ලබමින් සිටියදී මියගොස් ඇති බව නාල්ල පොලීසිය පවසයි.
මෙසේ මියගොස් ඇත්තේ නාල්ල තලාහේන පින්කුබුර වත්ත පදිංචි පේෂාන් අසින්ත සංදීප නමැති පස් හැවිරිදි පිරිමි දරුවා ය.
පෙර පාසල් වියේ පසුවන මෙම දරුවා මේ වසර සඳහා පාසලට ඇතුළත් වීමට සිටි දරුවෙකු බවද පොලිසිය කියයි .
මව විසින් වස පොවන ලද වයස අවුරුදු 08ක් වන ගැහැනු දරුවා තවමත් කොළඹ රිජ්වේ ආර්යා ළමා රෝහලේ දැඩි සත්කාර ඒකකයේ ප්‍රතිකාර ලබමින් සිටින බවත් දැරියගේ තත්ත්වය බරපතළ නොවන බවට රෝහලෙන් වාර්තා වන බව ද නාල්ල පොලීසිය කියයි .
එසේම වස පානය කිරීමෙන් වතුපිටිවල රෝහලේ දැඩි සත්කාර ඒකකයේ ප්‍රතිකාර ලබමින් සිටින 31 හැවිරිදි මවගේ තත්ත්වය ඉතා බරපතළ බවට වාර්තා වන බව ද නාල්ල පොලිස් ස්ථානාධිපති පොලිස් පරීක්ෂක එල්.කේ.විමලරත්න පැවසීය .
