බිත්තරවලට සඳුදා සිට පාලන මිලක් පනවා තිබෙන බව පාරිභෝගික අධිකාරිය විසින් අධිකරණය‌ට දැනුම් දී තිබෙනවා.
ඒ අනුව සුදු බිත්තරයක් රුපියල් 44ක් ද, රතු බිත්තරයකට රුපියල් 46ක් වශයෙන් ගැසට් මඟින් ප්‍රකාශයට පත් කර තිබෙන බවයි පාරිභෝගික අධිකාරිය දැනුම් දුන්නේ.
බිත්තර සඳහා පාලන මිලක් නියම කරමින් ඉකුත් අගෝස්තු මස නිකුත් කළ ගැසට් නිවේදනය බලරහිත කරන ලෙස ඉල්ලා බිත්තර නිෂ්පාදකයින්ගේ සංගමය විසින් ගොනුකළ පෙත්සම අද (06) කැඳවූ අවස්ථාවේදී පාරිභෝගික සේවා අධිකාරිය වෙනුවෙන් පෙනී සිටි අතිරේක සොලිසිටර් ජනරාල් සුමති ධර්මවර්ධන මහතා මෙම දැනුම්දීම සිදුකළා.
