අඟුලාන පොලිස් වසමේ ශාන්ත සේවියර් පල්ලිය අසලදී පිරිසක් විසින් පහරදී තරුණයෙක් ව ඝාතනය කර තිබේ.
ඊයේ (19) සවස් කාලයේදී එම ඝාතනය සිදුව ඇති බව පොලීසිය පවසයි.
එසේ මියගොස් ඇත්තේ, 27 හැවිරිදි අඟුලාන මොරටුව ප්‍රදේශයේ පදිංචිකරුවෙකි.
මියගිය පුද්ගලයා ඔහුගේ මාමා පදිංචිව සිටින රත්මලාන ප්‍රදේශයේ පිහිටි නිවසකට ගොස් සිටියදී එසේ ඝාතනයට ලක්ව ඇත.
මරණකරුගේ මාමාද තුවාල ලබා ලුනාව රෝහලට ඇතුළව ප්‍රතිකාර ලබන බව පොලීසිය පැවසීය.
පැරණි අමනාපයක් හේතුවෙන් එම ඝාතනය සිදුකර ඇති බවට දැනට සිදුකරන ලද විමර්ශනයේදී පොලීසිය විසින් අනාවරණය කර ගෙන ඇත.
ඝාතනය සිදුකළ සැකකරුවන් පොලීසිය විසින් අනාවරණය කරගෙන ඇති අතර සැකකරුවන් මේ වන විට ප්‍රදේශයෙන් පළාගොස් තිබේ.
සැකකරුවන් අත්අඩංගුවට ගැනීම සඳහා අඟුලාන පොලීසිය වැඩිදුර විමර්ශන සිදුකරයි.
